Бөгелмә зонасы торак инспекциясе тарафыннан йорт яны территорияләрен санитар чистарту буенча икеайлыкны тикшерү нәтиҗәләре
Татарстан Республикасы Министрлар Кабинетының 2015 елның 18 мартындагы “Татарстан Республикасында шәһәрләрнең һәм муниципаль районнарның территорияләрен чистарту буенча санитар-экологик икеайлык турында” 430-р номерлы әмернамәсен үтәп, Бөгелмә зонасы торак инспекциясе 2015 елның 1 апреленнән башлап 27 маена кадәр булган чорда Азнакай, Баулы, Бөгелмә, Лениногорск һәм Ютазы муниципаль районнарында 109 йорт яны территориясен тикшерде.
Үткәрелгән тикшерүләр нәтиҗәсендә 54 хокук бозу очрагы ачыкланды, ә атап әйткәндә:
– тикшерү барышында канәгатьләнерлек торышта булмаган йорт яны территорияләренең саны – 19;
– балалар өчен уен мәйданчыклары һәм кече архитектура рәвешләре канәгатьләнерлек булмаган (ремонт һәм буяу таләп ителгән) йорт яны территорияләренең саны – 33;
– адрес атрибутикасы канәгатьләнерлек булмаган торак йортлар саны – 2.
Үткәрелгән тикшерүләр һәм ачыкланган бозулар нигезендә Бөгелмә зонасы торак инспекциясе тарафыннан идарәче оешмаларга 54 күрсәтмә бирелде, РФ КоАП 7.22 статьясы нигезендә административ хокук бозулар турында 7 беркетмә төзелде һәм идарәче компанияләрнең вазифаи затларына, гомуми 30 000 сумлык штраф салып, 7 карар чыгарылды. Лениногорск шәһәренең “ЦИР ЖКХ и С” ААҖ вазифаи затыннан 4 мең сумлык бер штраф түләттерелде.
2015 елның 27 маена булган мәгълүматлар буенча, 23 күрсәтмә үтәлгән һәм актлар белән ябылган, 31 күрсәтмәнең үтәлеше 2015 елның 1 июненә кадәр Бөгелмә зонасы торак инспекциясе контрольлегендә.
Тулаем алганда, Бөгелмә зонасы торак инспекциясенә караган районнарда йорт яны территорияләре тиешле тәртипкә китерелгән. Санитар-экологик икеайлык барышында йорт яны территорияләренең торышын тикшерү дәвам итә.