«Теләкләр чыршысы» Бөгелмәдә яшәүче кызның хыялын тормышка ашырды
Бүләкләр бирүе күңелле, бигрәк тә балага: аның елмаюын күрү - бәһасез. Ә Яңа ел алдыннан әти-әниләр дә могҗиза көтә, алар балалары белән Кыш бабайга һәм «Теләкләр чыршысы»на хат язалар. Юлия Ивановна кызы Анастасияга хат җибәрергә булышкан. Ул адресатка барып җиткән һәм Бөгелмәдә яшәүче кызның теләге Татарстан Дәүләт Советындагы чыршыга эләккән. Биредә гадәттәгечә «Теләкләр чыршысы» Бөтенроссия хәйрия акциясе үткәрелә. Республиканың баш дәүләт торак инспекторы Александр Тыгин Анастасия Райская теләкләре язылган чыршы шарын алды.
«Миңа курчак белән коляска кирәк иде. Мин кечкенә булганда, минем коляскам бар иде, ләкин ул ватылды. Мин әнидән һәрвакыт: «Сатып ал, сатып ал, сатып ал», - дип сорый идем, ләкин әле колясканың тәгәрмәчләре зәгыйфь, әле коляска җитәрлек дәрәҗәдә яхшы түгел, әле әни аны сатып ала алмый иде. Колясканы өйгә алып кайткач, мин бик шатландым. Ә курчакны мин «Мия» дип атадым, - ди Анастасия.
Кыз инглиз телен һәм математиканы өйрәнүдә яхшы нәтиҗәләргә ирешә. Муниципаль конкурсларда һәм олимпиадаларда актив катнаша, призлы урыннар ала. Настя рәсем ясарга, сәйлән үрергә, йөзәргә ярата.
«Бүләк өчен рәхмәт, бик күңелле! Чын күңелдән сезнең хыялларыгызның да тормышка ашуын телим», - дип теләде Юлия Ивановна.
Барыгызны да якынлашып килүче Яңа ел белән котлыйбыз! Иң изге, якты һәм шатлыклы теләкләрне телибез.
Татарстан Торак инспекциясе матбугат хезмәте