“Три Богатыря” махсус счетның серен саклый

2026 елның 5 июле, якшәмбе

Җәмәгать суды үз вазыйфаларын үтәмәгәне өчен “Три Богатыря” идарәче компаниясен җаваплылыкка тарткан. Коммуналь хезмәткәрләр Татарстанның Торак инспекциясенә үзләре идарә иткән йортларның берсенә капиталь ремонт ясауга тупланган акчалар турында мәгълүмат бирмәгәннәр.

Сүз Хөсәен Мәүлитов урамындагы 17е йорт (2 корпус) турында бара. Анда яшәүчеләр капиталь ремонтка акчаларны төбәк операторының “гомуми казанында” түгел, ә үз махсус счетында җыярга карар кылган. Бу счетның хуҗасы аларның идарәче компаниясе булды.

Закон буенча, “Три Богатыря” күзәтчелек органы алдында бу счеттагы акчаларның хәрәкәте турында ай саен хисап тотарга тиеш була: күпме акча күчерелгән һәм нәтиҗәдә күпме акча җыелган. Әмма бу мәгълүмат инспекциягә кермәгән.

Торак инспекциясе вәкилләре ассызыклаганча, мондый контроль - буш кызыксыну түгел, ә кирәкле чара. Ул йортның планлаштырылган эшләрне билгеләнгән срокларда башкару өчен җитәрлек акчасы булуына инанырга мөмкинлек бирә.

Суд идарәче компаниянең гамәлләрен хокук бозу дип таныды һәм аңа 3 мең сум күләмендә административ штраф билгеләде.

Закон буенча (РФ ТК 177 маддәсенең 7 өлеше) милекчеләр банктан махсус счетның торышы турында мәгълүмат соратырга хокуклы. Мәгълүматны теләсә нинди вакыт белән сорарга мөмкин.

Өземтә милекчеләрдән счетка күчерелгән барлык түләүләрнең суммасын, махсус счеттагы калган акчаларны, барлык башкарылган операцияләрне күрсәтәчәк.

 Банк выписка бирсен өчен, түбәндәгеләрне эшләргә кирәк:

- Банкка язма гариза язарга. Анда мәгълүмат кирәк булган махсус счетның үз мәгълүматларын һәм реквизитларын күрсәтегез.

- Әлеге йортка милек хокукын раслый торган документны кушып бирергә.
 Еш кына БДКМРНнан актуаль өземтә сорыйлар (мөһим: ул банкка тапшыру датасына кадәр 30 календарь көннән дә иртәрәк бирелмәскә тиеш - югыйсә банк баш тартырга хокуклы).

- Шәхесне таныклый торган документны күрсәтергә.

 Ә сез банкта махсус счетның торышы турында мәгълүмат сорадыгызмы? Әлеге язма астындагы комментарийларда безгә языгыз https://vk.com/gjirt

Татарстан Торак инспекциясе матбугат хезмәте