Салкын һәм фекалияләр: «Жилкомфортсервис»тан алынган комфорт
«Жилкомфортсервис» – матур яңгырый, әмма чынбарлык идеалдан ерак. Торак инспекторлары Алабуга идарәче компаниясе директорын өч тапкыр җаваплылыкка тарттылар.
Иң кискен проблема – фатирларда җылылык булмау. Барлык кагыйдәләр буенча, мондый гаризалар оператив хәл ителергә тиеш, әмма эштә «Жилкомфортсервис» ИК ҖЧҖ мондый белдерүләрне кимендә 3 көн карый.
Идарәче компаниягә Алабуга шәһәренең Городищенская урамындагы 7 нче йорттагы фатирларда салкынлыкка карата 6 гариза кергән. Кагыйдәләр буенча, мөрәҗәгать итүчегә мөрәҗәгать теркәлгәннән соң ярты сәгать эчендә үтәү срокларын хәбәр итәргә тиешләр. Шулай ук торакчылар вәзгыять турында башкарма комитетка да хәбәр итәргә тиеш. Идарәче компания директоры закон таләпләрен игътибарсыз калдырган.
Җылытылмаган бер сәгать тә уңайсызлык кына түгел, бу чын сынау. Торак-коммуналь хуҗалык эшкуарларын вәзгыять борчымаган. Административ хокук бозу турындагы эшне карауга директор килмәде, эшне аның катнашыннан башка карау турында үтенеч тәкъдим итте, хокук бозу фактын өлешчә таныды һәм җәза чарасын киметүне сорады, чөнки бу – РФ КоАП 14.1.3 ст. 3 өлеше буенча беренче җәлеп ителү. Вазыйфаи затка 50 мең сум штраф салынды.
Шуннан соң шул ук ст. 2 өлеше буенча җәзалар китте:
- Разведчиклар урамындагы 56 нчы йортта электр щитоклары ябылмый, подвалга канализация сулары агып төшкән, җылылык изоляциясенең бөтенлеге бозылган, торбаларда коррозия;
- Таҗи Гыйззәт урамындагы 16/73 нче йортта урыны белән җылылык изоляциясе юк, коррозия, канализация торбалары янында терәк юк, грунт дымлы һ.б.
Административ хокук бозулар өчен идарәче компания директорына 75 мең сумлык штраф билгеләнде.
Татарстан Торак инспекциясе матбугат хезмәте