Эльвира Гәрәева: «Судта һәр җиңү сөендерә»
Ничек уйлыйсыз, әгәр гомуми җыелыш беркетмәсендә Җамалееваның Х фатиры милекчесе урынына Җамалиева күрсәтелгән икән, бу җитди хатамы яки ялгышмы? Җавап бирергә ашыкмагыз: күпфатирлы йорт белән идарә итү хокукын кайсы компаниянең алуы шуңа бәйле. Татарстан Торак инспекциясе юристлары мондый хаталар ярамый дип саный. Шуңа күрә җыелышларның беркетмәләрен өйрәнгәндә, торакларны карап тотучыларга йортны лицензияләр реестрына кертүдән баш тарталар. Идарәче компанияләрне сайлау буенча эшләр каралганда, судларда аеруча кызу дебатлар уза.
«Һәр күпфатирлы йорт – идарәче компанияләр өчен тәмле кисәк. Алар судны моның хата гына икәнлегенә ышандырырга тырыша. Кем ялгышмый инде? Әмма аерма – принципиаль. Милекче үзе фамилиясен, исемен һәм атасының исемен язганда ялгышмый, ә чит кеше җиңел генә хата җибәрә ала», – дип ышана юридик бүлек җитәкчесе Эльвира Гәрәева.
Мөрәҗәгатьләрне карау нәтиҗәләре шулай ук еш кына судта карала. Идарәче компанияләр җитәкчеләре инспекторның штрафын һәм «Дәрвишләр торак-коммуналь хуҗалыгы» идарәче компаниясе директоры буларак хокук бозуларны бетерү буенча күрсәтмәне шикаять итәчәк. Казанның Тынычлык урамындагы 35нче йортны карап тоткан өчен аңа 50 мең сум күләмендә штраф билгеләнде.
Суд залында мөрәҗәгать итүчеләрнең хокукларын һәм инспекторларның карарларын юристлар яклый. Судьялар, барлык хәлләрне карап, нигездә торак инспекторларының карарын хуплый һәм шикаятьләрне канәгатьләндермичә калдыра. «Дәрвишләр торак-коммуналь хуҗалыгы» ИК директоры да моны булдыра алмады.
«Идарәче компанияләр директорлары күп кенә хокук бозуларга күз йомарга мөмкин, алар зур түгел, һәм штрафлар нигезсез дип ышана. Үз позициябезне яклыйбыз, бер бозу икенче, күпкә әһәмиятлерәк нәрсәнең сәбәбе булырга мөмкин дип исбатлыйбыз. Агып торган торбалар – сасы ис, күгәрек һәм гөмбәчек булуы өстенә, җылылык һәм су бирүне тәэмин итә торган җиһазларга зыян китерергә мөмкин. Фундаментның җимерелүенә сәбәп булырга мөмкин. Ни өчендер вазыйфаи затлар бу турыда уйламый. Су тама инде, нәрсә булган, янәсе. Ни өчен шундый штраф?» – ди юридик бүлек җитәкчесе Эльвира Гәрәева.
Елның төп уңышы – идарәче компания директорын дисквалификацияләү.
«Судта һәр җиңү сөендерә, ә җиңелү стимуллаштыра. Тирәнрәк казынасың, законнарны кабат укыйсың, практикаларны өйрәнәсең: ә башка төбәкләрдә бу ничек булды икән? Һәм шулай ук суд карарларына шикаять бирәбез. Безнең максат – татарстанлыларның торак хокукларын торгызу. Һәм хезмәттәшләр алдында зур җаваплылык: инспекторлар хокук бозуларны теркәгәннәр, җаваплылыкка тартканнар, бетерергә мәҗбүр иткәннәр. Без аларның карарларын якларга тиеш», - диде Эльвира Маратовна.
Юристның эш көне, торак инспекторыныкы кебек үк, билгеләнгән эш графигыннан иртәрәк башлана һәм соңрак тәмамлана. Ләкин бүлек җитәкчесе барыннан да элек онык, әни һәм хатын. Аны өйдә түземсезлек белән көтәләр. Ышанычлы тыл – эштәге мәшгульлекне аңлаучы тормыш иптәше Тимур.
«Әбием – Миңнегөл Әхмәтша кызы әниемне алыштырды, мине ике яшемнән тәрбияләде. Аның янында җылы һәм уңайлы, үземне кечкенә кыз итеп хис итәм. Улым Артур мавыгып ниндидер кодлар, программалар турында сөйләгәндә, улым белән дә мин үземне мәктәп укучысы итеп хис итәм. Мин ышанычлы кулланучы, әмма программалау телен беркайчан да аңламамдыр. Улымның моны җиңел генә башкарып чыга алуы мине сөендерә. Укытучылар мактый»,- дип уртаклашты Эльвира Маратовна.
«Фантастика» жанрындагы китаплар, дача, авылда туганнарның ял көннәре – боларның барысына да ял көннәре багышлана. Гаилә эмоциональ ярдәм, куркынычсызлык һәм уңайлылык тәэмин итә.
Эльвира Маратовна, улыгызга зур уңышлар телибез! Барыннан да элек, бәхетле һәм сәламәт булып үссен, Сезне уңышлары белән сөендереп һәм, еллар узу белән, программалаштыруда ачышлар ясап, әтинең фамилиясен танытсын. Әбиегезгә сәламәтлек телибез, аның белән бергә бер гасырлык юбилеен билгеләп үтәргә насыйп булсын. Һәм бары тик бәхет, иминлек!
Татарстан Торак инспекциясе матбугат хезмәте