Ни өчен счетчик күрсәткечләрен айның 25 кадәр бирергә кирәк?
Татарстанлыларга исәпләү приборлары күрсәткечләрен бирү өчен 3 көн калды – барысы да айның 25 көненә кадәр башкарылырга тиеш. Бу фатир счетчиклары күрсәткечләрен җыюны гомумйорт күрсәткечләре белән синхронлаштыру өчен кирәк. Ул чагында коммуналь хезмәтләргә түләү исәпләү төгәл булачак. Башка очракта, гомуми мөлкәтне тоту өчен коммуналь ресурслар күләме дөрес булмаячак.
Күрсәтмәләрне тапшыру процедурасы РФ Хөкүмәтенең «Коммуналь хезмәтләр күрсәтү кагыйдәләре» 354 нче карары белән регламентлана. Мәсәлән, әлеге карарның 33 пунктында «кулланучы алынган күрсәткечләрне агымдагы исәп-хисап чорының 25 нче көненнән дә соңга калмыйча тапшырырга хокуклы» дип әйтелә. Ягъни исәпкә алу приборлары күрсәткечләре тапшырылмаган өчен штраф санкцияләре булмаячак. Әмма бу гаилә бюджеты өчен отышлы.
Исегезгә төшерик, «гомуми милекне карап тотуга коммуналь ресурс» бу очракта — йортның гомуми исәпкә алу приборы күрсәткечләре һәм барлык индивидуаль счетчиклар күрсәткечләре арасындагы аерма (фатирлар һәм йорттагы торак булмаган урыннар).
Алга таба алынган зурлык барлык торак һәм торак булмаган урыннарга, аларның мәйданына пропорциональ рәвештә бүленә. Димәк, счетчик күрсәткечләрен ай башында тапшырсаң, барлык яшәүчеләрдә сорау туа: ә гомумйорт милкен тотуга чыгымнар ни өчен шундый күп?
Гомуми милекне карап тотуга коммуналь ресурс чыгымнары үз күрсәтмәләрен яшергән күршеләр аркасында артырга мөмкин. Норматив буенча түләү бер кеше теркәлгән, ә биш кеше яшәгән урында отышлы. Шуңа күрә калган чыгымнар «гомуми милекне карап тотуга коммуналь ресурс» юлына эләгә һәм калганнарга бүленә.
Татарстан Торак инспекциясе матбугат хезмәте