Тәвә кошы сыман...
Әгәр гаризаларга җавап бирмәсәң, аларны күрмәсәң, проблема да юкка чыгачак. Әлмәт идарәче компаниясендә шуңа ышаналар.
Психологиядә «тәвә кошы эффекты» дигән төшенчә бар — күңелсез яки борчулы хәлләрдә кеше мәгълүматны кабул итүдән яисә гамәл кылудан баш тарткан очракта барлыкка килә торган когнитив бозылу.
«УКЖД «Новация» ҖЧҖ хезмәткәрләре үзләрен нәкъ шулай тотканнар. Аларга Ленин урамындагы 34 нче йортта яшәүче хатын-кыздан ике тапкыр җылылык булмау турында шикаять килгән, берсенә дә җавап бирмәгәннәр. Мөрәҗәгатьләрне теркәгәннәр, чаралар күрмәгәннәр һәм мөрәҗәгать итүчегә җавап бирмәгәннәр.
Алты фатирда чыннан да кыш көне салкын булган. Фатирларда һава температурасының туры килмәве турында акт бар, әмма идарәче компания бу фактны да игътибарсыз калдыруны өстен күргән, чөнки документ акчаны кире кайтарырга мәҗбүр итә. Җылыту буенча сыйфатлы хезмәт күрсәтелмәгән, димәк, түләргә дә тиеш түгелләр.
«УКЖД «Новация» ҖЧҖ директоры вазыйфаларын башкаручының гамәлләрендә РФ КоАП 7.23.3 ст. 1 өлешендә каралган административ хокук бозу билгеләре күренә, җәза – 25 мең сум күләмендә штраф.
Вазыйфаи зат үзе идарә иткән күпфатирлы йортларга кагылышлы барлык мәгълүматны ачмаган өчен дә берничә штраф алырга мөмкин. Мисал өчен, июнь аендагы исәпләү приборлары күрсәткечләре турында. Торак-коммуналь хуҗалык системасына су белән тәэмин итү буенча счетчикларның 78% өлеше генә кертелгән, электр белән тәэмин итү өчен – 0%. Виртуаль түләү документларының 82% өлеше генә.
Шулай ук торакны карап тотучылар милекчеләрне гомуми җыелышта катнашу хокукыннан да мәхрүм иткәннәр. 2000гә якын фатирда кадастр номерлары юк. Мәсәлән, Белоглазов урамы буенча 103,123, 129, 131, 141, 149, 153, 155 номерлы йортларда. Сез бу йортларда яшисезме? Сездән кире элемтә көтәбез.
Тагын 1244 милекче шулай ук читтән торып җыелышта үз фикерләрен әйтә алмаячак, чөнки кадастр номерлары Росреестр базасы белән бәйле түгел. Моның өчен саннарны керткәндә, бер-ике клик кына ясарга кирәк иде. Гомумән алганда, бу проблема 115 йортта яшәүчеләргә кагыла. Исемлек сайтта урнаштырылган, анда сезнең йортыгыз күрсәтелгәнме?
13 йортта капиталь ремонт планын төзеп булмый: электрон паспортта инженерлык системалары турында мәгълүмат юк. Мәсәлән, Пушкин урамындагы 46 нчы йортның паспортында газ белән тәэмин итү системасы турында мәгълүматлар бар, әмма су һәм электр белән тәэмин итү, җылылык һәм су үткәрү турында бер сүз дә юк. Ә шул ук урамдагы 52 нче йорт паспортында челтәрләрнең торышы турында берни дә билгеле түгел. Техник характеристикалар да күрсәтелмәгән: подъездлар саны, лифтлар, стеналар тибы һ.б.
Торт уртасындагы чия буларак, ТКХ ДМС системасында авария-диспетчерлык хезмәтенең телефон номеры күрсәтелмәгән. Лифтта тоткарланып калсалар яки торба тишелеп акса, кая шалтыратырга?
«УКЖД «Новация» оешмасына үз мөлкәтен ышанып тапшырган һәркемгә мөрәҗәгать итәбез. Безгә компания эше турында шәрехләрдә языгыз: https://t.me/gji_rt
Татарстан Торак инспекциясе матбугат хезмәте