Надежда Козырева: "Бәхет - ул гаилә һәм яраткан эш"
Торак инспекторларының яраткан остазы ул Надежда Козырева. Дөрес, Түбән Камадагы коллегаларга гына көн саен аралашу бәхете елмая: Надежда Гыйльмулла кызы 20 елга якын Түбән Кама районара инспекциясендә эшли. Ләкин тәүлекнең теләсә кайсы вакытында сүз белән дә, эш белән дә ярдәм итәргә әзер.
“Остазым Наилә Ихсанованы җылылык белән искә алам. Нәкъ менә ул мине инспекциягә чакырды, илһамландырды. Мин торак-коммуналь хуҗалык өлкәсендә эшләсәм дә, күп нәрсәне белә идем, эшне башкару бер нәрсә, ә контрольдә тоту – икенче мәсьәлә. Мин куркыбрак тордым, ләкин Наилә Наримановна мине күндерде. Ул безнең эшне медицина белән чагыштырды: өйгә диагноз куярга һәм дәва билгеләргә. Бу чыннан да шулай: йортны тикшерәбез, системадагы өзеклекне теркибез һәм төзәтү тәртибен һәм срокларын билгелибез", - дип искә ала Надежда Козырева.
Наилә Ихсанова 2005 елда Түбән Кама инспекциясе башлыгы була. Башта "ЖЭУ №4" торак фондының агымдагы ремонты буенча мастерны күзәтә, ә игътибар иткәч, һичшиксез, эшкә алырга кирәк дигән карарга килә. Мастер 50 йорт белән җиңел эш итә, димәк, күбрәк тә булдыра ала, дип фикерли.
“Миңа кешеләр белән эшләү ошый иде. Әйе, катлаулы, бигрәк тә 1990 нчы елларда агрессивлык күбәйде. Мин аларга сөйләргә ирек бирергә кирәк дип кабул иттем. Сөйләшү барышында алар проблемаларын әйтәләр һәм тынычланып кайтып китәләр. Гафу үтенеләр. Минем өчен бу бары тик эш, ә килүчеләр үз авыртуларын белдерә",- ди Надежда Гыйльмулловна.
Башкаларның авыртуын җиңәргә торак инспекторына олы кызы булыша. Валентина кече Аннага өй эшләрен эшләргә булыша, аның белән уйный, ашата һәм йокларга яткыра. Әни кеше еш кына эштән соңга калып кайткалый, торак инспекторының эш көне нормалаштырылмаган бит. Ничә шикаятькә җавап биргән, 20 ел эчендә ничә тикшерү уздырган? Санамаган.
“Эштә нәрсә канәгатьлек китерә? Хокук бозуларны бетерү буенча күрсәтмә кайчан үтәлсә, шунда. Торбаларның бүтән агып чыкмавын, буялган стеналарны, чүп-чарның чыгарылуын күргәч... Тәртип урнаштырылган, башта ничек булырга тиеш булса, шундый халәткә китерелгән"- ди инспектор.
Ләкин бәхет – ул барыбер гаилә. Валентина оныклары Әминә белән Әмиргә дәү әни булу бәхетен бүләк итә. Анна урта белемле, мөстәкыйль олы тормыш бусагасында дипломлы белгеч була.
"Бәхет – ул гаилә һәм яраткан эш. Эшкә мин рәхәтләнеп кенә бармыйм, йөгереп барам! Әйе, мин хезмәт сөючән. Ләкин миңа якыннарымның, кадерле кешеләремнең янымда булуы, алар белән барысының да тәртиптә, аларның сәламәт булуы мөһим. Бу миңа рухи көч бирә, мин теләсә нинди эшне башкарып чыга алам",- диде Надежда Гыйльмулловна.
Сентябрьдә остазыбызның тагын бер юбилее була: дәүләт хезмәтендә - 20 ел. Һәм без тагын, безгә бик бәхет елмайды, һәм язмыш безгә бик яхшы остаз бүләк итте, дип әйтә алабыз! Надежда Гыйльмулловна, сез бик сизгер кеше һәм үз эшегезнең чын виртуозы. Тагын сезгә чиксез сабырлыгыгыз, кирәкле мәгълүматны җиткерә белүегез һәм, иң мөһиме, һәркемгә индивидуаль якын килүегез өчен дә рәхмәт белдерәбез. Кадерлибез!
ТР ДТИ матбугат хезмәте