Инспекциягә кайчан зарланырга кирәк
Татарстанның Торак инспекциясенә көн саен 100 сорау керә, һәм бу рәсми сораулар гына. Социаль челтәрләрдә дә дистәләгән мөрәҗәгать килә.
«Күңел зары! Түбәдән су үтә, стеналардагы обойлар куба. Ә идарәче компания чаралар күрми», - дип язды безгә чатка Казанда яшәүче хатын.
Инспекция – күзәтчелек органы. Мөрәҗәгать алыну белән тикшерү планлаштырыла. Идарәче оешма гамьсезлек өчен җәлеп ителергә тиеш. Беренчедән, түбәне шундый хәлгә китергәннәр, икенчедән, яшәүчеләрнең шикаятьләренә җавап бирмиләр.
Тик тикшерү вакытында еш кына торакларны карап тотучыларның проблема турында берни дә белмәве ачыклана. Милекчеләр авария-диспетчерлык хезмәтенә шалтыратмыйлар, рәсми мөрәҗәгать җибәрмиләр.
Беренче чиратта авария-диспетчерлык хезмәтенә шалтыратырга кирәк. Диспетчер телефон аша шалтыратучыга күп дигәндә 5 минут эчендә җавап бирергә тиеш. Милекчегә үзенең фамилиясен, исемен һәм атасының исемен, адресын һәм булган хәлне әйтергә кирәк. Диспетчер җавап итеп үзенең фамилиясен, исемен һәм атасының исемен, теркәлгән хәбәр номерын һәм аны теркәү вакытын хәбәр итәргә тиеш. 10 минут эчендә гаризаны карарга һәм башкаручыларны билгеләргә. Мәсәлән, түбәләрнең аерым урыннарындагы су үтү очраклары 1 тәүлектә бетерелергә тиеш.
Әгәр проблема шалтырату буенча хәл ителмәсә, директорга зарланырга кирәк. Дәлилләр җыярга: хокук бозуларны фотога яки видеога төшерергә; компания хезмәткәрләре үз вазыйфаларын башкармаган даталарны язып куярга кирәк.
Җыелган дәлилләр белән идарәче компания җитәкчесенә мөрәҗәгать итәргә: компаниянең юридик адресына дәгъва хаты язарга кирәк. Хатта проблеманы тасвирларга, аларны үтәүнең таләпләрен һәм срокларын санап чыгарга, йорттагы милек хокукын күрсәтергә, шартнамәнең бозылган пунктларына сылтама ясарга, таләпләр үтәлмәсә, судка яки күзәтчелек органына мөрәҗәгать итәргә ниятләвеңне белдерергә кирәк.
Компания җитәкчелеге дәгъваны 10 көн эчендә карарга, язмача җавап бирергә һәм чаралар күрергә тиеш.
Әмма идарәче компания бернинди дә чара күрмәсә, ул вакытта идарәче компаниягә карата ТР ДТИ шикаять җибәрергә кирәк. Мөрәҗәгатькә үз мөрәҗәгатьләреңнең күчермәләрен һәм фотосурәтләрен беркетергә. Торак инспекторы тикшерү белән чыгачак.
Ә сорау торак-коммуналь хезмәтләр өчен түләүләр мәсьәләсенә кагылса?
Тәртип шундый ук: башта идарәче оешмага түләүләрне чагыштыру буенча гариза белән мөрәҗәгать итәргә. Әгәр җавап булмаса яки ул канәгатьләнерлек булмаса, Торак инспекциясенә рәсми мөрәҗәгать юлларга кирәк.
Мөрәҗәгатькә идарәче оешмага үз гаризаңны, аларның җавабын һәм түләү документын беркетергә.
Исегезгә төшерәбез, 1 нче марттан «Россия Федерациясе гражданнары мөрәҗәгатьләрен карау тәртибе турында» 59 номерлы федераль законга төзәтмәләр гамәлгә кертелде. Һәм хәзер электрон почта аша җибәрелгән хатлар каралмый.
Татарстан Торак инспекциясе матбугат хезмәте