Кайнар су белән тәэмин итүнең канәгатьләндерерлек булмавы турында
Түбән Кама районара торак инспекциясе тарафыннан Зәй шәһәренең Жуков урамындагы 7б номерлы йортта яшәүченең кайнар су белән тәэмин итү буенча күрсәтелә торган коммуналь хезмәтнең сыйфаты канәгатьләнерлек булмавы турындагы мөрәҗәгате каралды.
Инспекция визиты кысаларында үткәрелгән контрольлек чарасында тикшерү вакытында фатирда кайнар су белән тәэмин итү параметрларының +44,50С - +450С тәшкил иткәнлеге ачыкланды, бу норматив таләпләргә туры килми.
Коммуналь хезмәтләр күрсәтү тәртибе РФ Хөкүмәтенең 06.05.2011 ел, №354 карары (алга таба – №354 кагыйдәләр) белән расланган Күпфатирлы йортларда һәм торак йортларда милекчеләргә һәм биналардан файдаланучыларга коммуналь хезмәтләр күрсәтү кагыйдәләренәдә билгеләнгән.
354 номерлы Кагыйдәләрнең 31 пункты нигезендә башкаручы кулланучыга коммуналь хезмәтләрне Россия Федерациясе законнары, 354 номерлы Кагыйдәләр һәм коммуналь хезмәтләр күрсәтү турында нигезләмәне үз эченә алган шартнамә таләпләре нигезендә аның өчен кирәкле күләмдә һәм тиешле сыйфатта күрсәтергә тиеш.
354 нче Кагыйдәләргә 1 нче кушымтаның 5 нче пункты нигезендә су алу урыннарында кайнар су температурасы 60°C түбән булмаска һәм 75 °C югары булмаска тиеш.
Тикшерү нәтиҗәләре һәм мөрәҗәгатьләр буенча чаралар күрмәү өлешендә ачыкланган бозулар буенча «Зәй шәһәре ТКХ ИК» ҖЧҖ идарәче компаниясе инспекция тарафыннан штраф салынып, Административ хокук бозулар турында Россия Федерациясе кодексының «Коммуналь хезмәтләр белән тәэмин итү нормативларын бозу» 7.23 статьясы буенча административ җаваплылыкка тартылды.
Түбән Кама РТИ күрсәтмәсе буенча «Зәй шәһәре торак-коммуналь хуҗалык идарәсе» ҖЧҖ идарәче компаниясе тарафыннан башкарылган чаралар нәтиҗәсендә кайнар су белән тәэмин итүнең норматив параметрлары торгызылган, бу гариза бирүченең имзасы белән тикшерү акты белән раслана.
Кайнар су температурасының норматив таләпләргә туры килмәү фактлары буенча, мөрәҗәгать итүчегә кайнар суны китереп җиткермәгән өчен 1293,06 сум күләмендә түләү киметеп исәпләнгән.