Гражданнар тарафыннан торак-коммуналь хезмәтләр өчен түләү йөкләмәсен үтәү зарурлыгы турында

Россия Федерациясе Торак кодексының 153 статьясы нигезендә гражданнар торак урын һәм коммуналь хезмәтләр өчен үз вакытында һәм тулысынча түләргә тиеш. Шул ук вакытта торак-коммуналь хезмәтләр өчен түләүдән бер яклы рәвештә баш тарту да законда каралмаган.

Торак-коммуналь хезмәтләр өчен түләү күләмен кулланучының мондый хезмәтләр өчен түләүдән тулысынча азат ителүенә кадәр киметү торак законнарында билгеләнгән очракларда һәм шундый законнарда билгеләнгән тәртиптә каралган.

Әлеге очраклар һәм тәртип Россия Федерациясе Хөкүмәтенең 06.05.2011 ел, № 354 карары белән расланган Күпфатирлы йортларда һәм торак йортларда милекчеләргә һәм биналардан файдаланучыларга хезмәтләр күрсәтү кагыйдәләрендә (алга таба – №354 кагыйдәләр), Россия Федерациясе Хөкүмәтенең 13.08.2006 ел, № 491 карары белән расланган Күпфатирлы йортта гомуми мөлкәт белән идарә итү, аны карап тоту һәм ремонтлау буенча хезмәтләр тиешле сыйфатта күрсәтелмәгән очракта һәм (яки) билгеләнгән вакыт озынлыгын арттырып җибәрә торган өзеклекләр белән күрсәтелгән очракта, торак урынны карап тоту өчен түләү күләмен үзгәртү кагыйдәләрендә регламентланган һәм күпфатирлы йорт белән идарә итүне гамәлгә ашыручы оешма ягыннан да, кулланучы ягыннан да билгеле бер процедуралар үтәлешен таләп итә.

Торак-коммуналь хезмәтләр өчен түләүне вакытында һәм (яки) тулысынча кертмәгән очракта, башкаручы тарафыннан (№354 кагыйдәләрнең 117 пункты) коммуналь хезмәтләр күрсәтүне чикләү яки туктатып тору, шулай ук пеня исәпләү каралган (№354 кагыйдәләрнең 159 пункты).