Нурлатта ИК газ торбаларының торышы аркасында “сары карточка” алды
Татарстанның Торак инспекциясе Нурлат шәһәрендә тикшерү үткәргән һәм җирле идарәче компанияләрнең фасад газүткәргечләрен күзәтмәвен ачыклаган. Белгечләр шәһәр өчен хас булган проблемаларны ачыклаган: торбалардагы буяулар коелган, урыны-урыны белән коррозия барлыкка килгән, ә кайбер урыннарда газүткәргечләр янында кабельләр уза.
Тикшерү нәтиҗәләре буенча өч оешмага кисәтүләр игълан ителде:
- “Городок” ИК Дуслык урамындагы 75нче, Самаренкин урамындагы 18нче йортларда, шулай ук Совет урамындагы 185нче һәм 189нчы йортларда (2нче һәм 3нче корпуслар) торбаларның торышы өчен.
- “Эталон” ИК Совет урамындагы 108 нче йортта газүткәргеч өчен.
- “Престиж” ИК Вахитов урамындагы 10 нчы йорт һәм Совет урамындагы 127 нче йорт өчен.
Хәзер торакчылар газ җиһазларын норматив хәлгә китерергә тиеш. Әгәр күрсәтмә үтәлмәсә, хокук бозучыларга карата беркетмәләр төзеләчәк һәм судка җибәреләчәк.
Газ җиһазлары - ул югары куркыныч зонасы, анда хәтта аз гына коррозия дә вакыт узу белән җитди нәтиҗәләргә китерергә мөмкин. Газ торбаларын интернет-кабельләр яки элемтә үткәргечләре өчен терәкләр сыйфатында куллану техник эксплуатация кагыйдәләре белән катгый тыела: мондый “өстәмәләр” фасадларның тышкы кыяфәтен бозып кына калмый, ә конструкциягә артык йөкләнеш тә тудыра, шулай ук металлның саклагыч катламы очкынлануга яки зарарлануга сәбәп булырга мөмкин.
Татарстан Торак инспекциясе матбугат хезмәте