Ис газы белән агулану: Идарәче компаниясенең ваемсызлыгы гадәттән тыш хәлгә китерде
“ЖЭУ-11” идарәче компаниясе гаиләне ис газы белән агулауда гаепле дип табылган. 13 гыйнварга каршы төндә Луговая урамындагы 9 нчы йорттан өч олы һәм сабый баланы хастаханәгә салалар.
Гадәттән тыш хәлнең сәбәбе “ЖЭУ-11” идарәче компаниясенең ваемсызлыгы булган, ул, Татарстан Торак инспекциясе тикшерү барышында ачыкланганча, төтен чыгару һәм вентиляция каналларының торышын тиешле контрольдә тотуны тәэмин итмәгән.
Торак инспекциясе, уставны, төтен юлларын һәм вентканалларны тикшерү буенча хезмәт күрсәтүгә килешүләрне, тикшерү актларын һәм карап чыгу кәгазьләрен өйрәнеп, җентекле тикшерү уздырды. Закон буенча елына кимендә өч тапкыр үткәрелергә тиешле тикшерүләр формаль булганлыгы ачыкланды.
Документлар нигезендә тикшерүләр узган ел закон буенча тиешенчә елына 3 тапкырдан да сирәгрәк үткәрелмәгән. Әмма зыян күрүчеләр фатирында яшәүчеләрнең имзалары бер генә карап чыгу кәгазендә дә булмаган. Алар гына түгел: 59 фатирда гына төтен чыгару юлларын һәм вентканалларны тикшереп карадылар, калганнарына кермәделәр. Шунысы игътибарга лаек, 2025 елның август һәм декабрь актларында төтен чыгару һәм вентканалларның эксплуатацияләүгә яраклы булуы күрсәтелгән , имзалары “Ильмар” ҖЧҖ хезмәткәрләре генә.
Тикшерү нәтиҗәсендә “ЖЭУ-11” идарәче компаниясе директоры административ хокук бозуда гаепле дип табылды һәм 25 мең сум штрафка тартылды.
Бу очрак идарәче компанияләрнең үз вазифаларына җаваплы мөнәсәбәтенең мөһимлеген тагын бер кат ассызыклый. Аларның намуслылыгына яшәүчеләрнең иминлеге һәм сәламәтлеге бәйле. Йортта яшәүчеләргә, үз чиратында, уяулык күрсәтергә һәм идарәче компанияләрдән барлык тиешле тикшерүләрне һәм эшләрне башкаруны таләп итәргә кирәк. Башкарылган эшләрнең актларын һәм обход кәгазьләрен тикшерергә оялмагыз, шикләнгән очракта Торак инспекциясенә мөрәҗәгать итегез.
Татарстан Торак инспекциясе матбугат хезмәте