“Окдом” ОК түгел: Нурлатта ваемсызлык өчен зур штраф
Нурлат шәһәрендә прокуратура Татарстанның Торак инспекциясе хезмәткәрләре белән берлектә Иптәшләр урамындагы 1а номерлы йортны җентекләп карады. Тикшерү барышында ачыкланганча, “Окдом” идарәче компаниясе күпфатирлы йортны тотуда җитди хокук бозуларга юл куйган.
Вентиляция шахталарының бозлануы, тамбур ишекләрендә доводчиклар булмау, керү ишекләре ярыклары һәм подъездларда төзек булмаган бусагалар белән проблемалар теркәлгән. Моннан тыш, агач конструкцияләр уттан саклау составлары белән эшкәртелмәгән, ә йорт биналарында конденсат һәм күгәрек эзләре табылган.
Бу җитешсезлекләр яшәүчеләрнең тормышы һәм сәламәтлеге өчен реаль куркыныч тудыра. Йортны тиешенчә карап тоту өчен җаваплылык идарәче компаниядә ятканга күрә, “Окдом” ИК ҖЧҖ директоры административ җаваплылыкка тартылды. Аңа 50 мең сум күләмендә штраф билгеләнгән. Ачыкланган барлык хокук бозуларны бетерү Торак инспекциясе контролендә.
Татарстан Торак инспекциясе матбугат хезмәте