“Строим будущее” ИК: 54/14 йортта дым һәм канализация
"Строим будущее” идарәче компаниясе янә күзәтчелек органнарының игътибар үзәгенә эләкте. 54/14 номерлы йортта яшәүчеләрдән компаниянең эшсезлегенә чираттагы шикаять тикшерү барышында расланган. Бу юлы ризасызлыкның сәбәбе дым һәм фатирларга үтеп керә торган канализация исе булган.
Урынга килгән инспекторлар су баскан подвалны һәм төзек булмаган су агызу системасын тапканнар. Шунысы игътибарга лаек, йортның җылыту сезонына әзерлек паспортында су агызу торбаларын ремонтлау күрсәтелгән. Әмма, агымдагы торышка караганда, эшләр сыйфатсыз башкарылган, бу авария хәленә китергән.
Нәтиҗәдә “Строим будущее” ИК ҖЧҖ директоры административ җаваплылыкка һәм 60 мең сум штрафка тартылды. Хокук бозуларны бетерү инспекция контролендә.
Татарстан Торак инспекциясе матбугат хезмәте