Бер атна эчендә хокук бозучыларга 1,5 млн сумлык штраф билгеләнгән
Торак күзәтчелеге инспекторлары республиканың 174 күпфатирлы йортында тикшерүләр уздырган. Тикшерү барышында 69 хокук бозу очрагы ачыкланган. Проблемалар биналарның торышына да, янәшәдәге территорияләргә дә кагылды: йортларны тиешенчә карап тотмауның 26 очрагы бар.
Мисал итеп Түбән Каманың Корабельная урамындагы 58, 60, 62 нче йортларның ишегалларында һәм түбәләрендә кар өемнәре өчен күрсәтмә алган “Торак фонды” идарәче компаниясен китерергә мөмкин. Исегезгә төшерәбез, түбәләрдә карның артык күп җыелуы деформацияләргә, агып китүләргә һәм хәтта түбә катламының җимерелүенә китерергә мөмкин. Норматив түбәләрдә кар катламы 30 см дан артмаска тиеш.
Кайбер хокук бозулар нәтиҗәсез калмаган һәм административ җәзаларга китергән. “Строим будущее” ҖЧҖнә карата эшне карау төгәлләнде. Компания директорына Чаллыда Мәскәү проспектындагы 122а номерлы йортта канализация системасының торышы канәгатьләнерлек булмаган өчен 60 мең сум штраф салынган.
Узган атнада барлыгы 1,4 миллион сумнан артык күләмдә 29 штраф билгеләнгән. Өстәмә рәвештә, җәмәгать суды 100 мең сум күләмендә тагын бер штраф салды.
Татарстан Торак инспекциясе матбугат хезмәте