Әлмәт: “Йорт мастеры” аркасында чираттагы газ гадәттән тыш хәл
Әлмәт газ һәлакәтләре буенча беренчелекне Бөгелмәгә бирергә җыенмый, ахрысы. Бу юлы Ленин урамындагы 43 нче йортта газүткәргечне су басуның сәбәбе чираттагы “профессионал” - газ су җылыткычын мөстәкыйль урнаштырырга карар кылган кеше булды.
Үз-үзенә ышану һәм куркынычсызлык кагыйдәләрен санга сукмау чак кына фаҗигагә әйләнмәде. Инцидент нәтиҗәсендә бөтен подъезд газсыз калган - су җылыткычлары гына түгел, газ плитәләре дә сүндерелгән. Хәзер күршеләргә белгечләр “зәңгәр ягулык” кайтарылганчы барлык фатирларны карап чыкканны көтәргә туры киләчәк.
Гадәттән тыш хәлнең гаеплесен җитди чыгымнар көтә. Аңа су басуны бетергән өчен “Әлмәтгаз” Эксплуатация-Җитештерү Идарәсе зыянын капларга, шулай ук торак инспекциясеннән штраф түләргә туры киләчәк. Бу очрак чираттагы тапкыр газ җиһазлары белән эшләүне квалификацияле белгечләргә генә ышанып тапшыру мөһимлеген искә төшерә.
Татарстан Торак инспекциясе матбугат хезмәте