“Гвардейская” ТКХ: Явым-төшемне сәбәпче итү эшләмәячәк
Татарстанның Торак инспекциясе “Гвардейская” ТКХ ИК эшчәнлеген тикшерә. Сәбәбе - Гвардия урамындагы 40нчы йортның түбәсе ишелү.
ММЧ ишелү сәбәбен, район администрациясе матбугат хезмәтенә сылтама белән, аномаль явым-төшемнәр дип атыйлар. Әмма торак инспекторлары ачыклаганча, монда түбәләрне соңгы тапкыр узган елның декабрендә чистартканнар. Ә кышның беренче ае карсыз диярлек булуын исәпкә алып, тиешенчә җыештыру бер тапкыр да үткәрелмәде. Күрше йортларның түбәләре дә кар астында.
Идарәче компания директоры үзенең актив эшен күрсәтү өчен Кызыл Позиция урамындагы 33 нче йортны сайлаган. Бүген иртән анда түбәдән кар җыю буенча чын операция башланды. Бу хәл инспекторларга бик нык тәэсир итте: кар катламының биеклеге 2 метрдан артык! Ә закон буенча түбәләрне даими чистартырга кирәк, аның 30 сантиметр биеклектә туплануына юл куймаска кирәк. Ягъни бирегә көрәкләр белән ким дигәндә 6 тапкыр күтәрелергә тиеш булганнар.
Түбәләрне карап тоту буенча да сораулар бар: конструкцияләрне ничек еш тикшергәннәр, ремонт ясалганмы.
“ТКХ Гвардейская” ҖЧҖ директорына карата административ хокук бозу турында эш кузгату планлаштырыла. Нәтиҗәләр турында өстәмә хәбәр итәрбез.
Татарстан Торак инспекциясе матбугат хезмәте