"Таң" ИК кар өчен штрафлар алды
Бөгелмәнең "Таң" идарә компаниясе, йорт яны территорияләрен сыйфатсыз карап тоткан өчен берьюлы ике административ штраф алып, күзәтчелек органнары игътибарының үзәгендә калды. Моның сәбәбе - шәһәр прокуратурасы тарафыннан ачыкланган күпсанлы хокук бозулар: кар көртләре, кар түбәләре, бозлар һәм бозлавыклар.
Прокуратура тикшерүе "Таң" идарә итү компаниясе үз йөкләмәләрен үтәмәгән берничә адресны үз эченә алган. Алар арасында - Красноармейская урамындагы 20, 22, 24а йортлар, Насыйров урамындагы 2 нче йорт һәм Ленин урамындагы 3 нче йорт. Барлык бу ишегалларында да кар һәм боз чистарту буенча җитди җитешсезлекләр теркәлгән.
Нәтиҗәдә, беренче карар буенча, "Таң" ИК ҖЧҖ 125 мең сумга штрафка тартылган. Ә икенче эш буенча административ җаваплылыкка компания директоры шәхсән үзе тартылган, аңа 25 мең сум күләмендә штраф түләргә туры киләчәк.
Исегезгә төшерәбез, идарәче оешмалар тротуарларны җыештырырга, бозлавык очрагында җәяүлеләр юлларына, аннары ишегалды территорияләренә ком сибәргә тиеш.
Кул белән җыештырганда кар тулысынча кыргычлап, ягъни асфальт яки брусчаткага кадәр җыештырылырга тиеш. Әгәр грунт катламы гына булса, кар катламын калдыралар, вакыт узу белән ул тыгызлана. Бу ысул “движоклы” дип атала.
Чистарту срогы йорт яны территориясенең классына бәйле (РФ Милли стандартының А кушымтасы ГОСТ Р 56195-2014). Бүлү җәяүлеләр трафигын исәпкә алып исәпләнә:
- тротуар буйлап сәгатенә 50 кешегә кадәр хәрәкәт иткәндә, әлеге тротуар I класслы санала;
- тротуар буйлап сәгатенә 51-100 кеше йөргәндә – тротуарның II классы;
- тротуар буйлап сәгатенә 101 һәм аннан да күбрәк кеше йөргәндә - тротуарның III классы.
Кар өемнәренә һәм валларга салу эшләре I һәм II класслы тротуарларда кар яву тәмамланганнан соң 6 сәг тән дә соңга калмыйча, ә калган территорияләрдә 12 сәг тән дә соңга калмыйча тәмамланырга тиеш.
Татарстан торак инспекциясе матбугат хезмәте