Энергетикларны йортның фасадын торгызырга мәҗбүр иттеләр
“Татэнерго” АҖ филиалы-Түбән Кама җылылык челтәрләре” закон бозуларны булдырмау турында рәсми кисәтү алды. Сәбәбе Түбән Камада яшәүчеләрнең берсенең мөрәҗәгате булган, ул ремонт эшләрен башкарганда энергетикларның гамәлләренә зарланган.
Мөрәҗәгать итүче сүзләренчә, торбаларны алыштыру барышында “Татэнерго” белгечләре Вахитов проспектындагы 32 нче йортның фасады һәм цоколь өлешен зарарлаган. Эшләр тәмамланганнан соң, яшәүче раслаганча, энергетиклар зыянны игътибарсыз калдырганнар, аларны бетерү өчен җаваплылыкны идарәче компаниягә һәм, димәк, яшәүчеләрнең үзләренә йөкләгәннәр.
Юридик затка карата үткәрелгән тикшерү нәтиҗәләре буенча Түбән Кама районара торак инспекциясе кисәтү игълан итте һәм йортның фасады һәм цоколе зыян күргән урыннарны ремонтларга һәм тулысынча торгызырга йөкләде.
“Татэнерго” АҖ филиалы кисәтүенә җавап итеп, бу хәл өчен подрядчы һәм һава торышы гаепле дип җавап бирелде: начар күренүчәнлек экскаваторчыга ераклыкны билгеләргә комачаулаган, ә стреланы борганда, машина торак бинаның фасадына тиеп киткән. Ремонтны җылыту сезоны тәмамланганнан соң 30 майга кадәр үткәрергә вәгъдә иттеләр.
Татарстан торак инспекциясе матбугат хезмәте