Сез дә онлайн-җыелышка кушыла алмыйсызмы?
8 меңгә якын күпфатирлы йорт милекчеләрнең гомуми җыелышын читтән торып үткәрергә әзер түгел. Сәбәбе - торак-коммуналь хуҗалык системасында йортларның яки фатирларның кадастр номерлары юк. Федераль системага мәгълүматларны кертү буенча үз бурычларын идарәче компанияләр, ширкәтләр рәисләре яки милекчеләр үзләре үтәмәгән.
Мисал өчен, турыдан-туры идарә сайлаган яки әлегә кадәр сайлау белән билгеләнмәгән 330 йортның милекчеләре.
Калганнарга гаепләр кеше бар. Мәсәлән, “Мәскәү районы ТКХ ИК” онлайн-җыелышта 257 йортның милекчеләрен тавыш бирү мөмкинлегеннән мәхрүм итте, “Заречье” ИК - 234, “Вахитов районы ИК” - 217, “Жилкомсервис” ПКФ - 181, “Жилкомплекс” ИК - 175, “Авиатөзелеш районы ТКХ ИК” - 167, “Дәрвишләр ТКХ” ИК - 161, “Уңайлы йорт” ИК-143. Адреслар белән тулы исемлек сайтта урнаштырылган.
Торак милекчеләре ширкәтләре арасында иң эре хокук бозучылар: "Западный” - 28 йорт, “Сахарник” - 22 йорт, “Князевское” - 20 йорт. 1700 дән артык йортның милекчеләре ширкәтләр һәм кооперативлар идарәсендә актуаль мәсьәләләрне хәл итү өчен читтән торып җыела алмыйлар.
Сез торак-коммуналь хуҗалык системасындагы үз кабинетыгызны карадыгызмы? Кереп тикшерергә киңәш итәбез, барысы да өйдәге виртуаль паспортта чагылдырылганмы, сез гомуми җыелышта үз фикерегезне әйтә һәм тавыш бирә аласызмы? Юк? Шикаять көтәбез, ә онлайн-платформага керү мөмкинлеген ничек алсагыз, идарәче компанияне яки ширкәт рәисен алыштыру буенча гомуми җыелышны тәкъдим итәргә киңәш итәбез.
Татарстан торак инспекциясе матбугат хезмәте