Суд Татарстан Торак инспекциясе таләпләрен хуплады
Суд Татарстан Торак инспекциясенең күпфатирлы йортларны капиталь ремонтлау вакытында подрядчылар тарафыннан җибәрелгән кимчелекләрне төзәтү таләбен канәгатьләндерде. Торак инспекторлары “ТКХ Фонды” коммерциячел булмаган оешмасы кагыйдә бозуларны бетерүгә күрсәтмәләр бирде, регоператор аларны игътибарсыз калдырды.
Яңа Чишмә авылында Ленин урамындагы 31нче, Заливная урамындагы 6нчы йортларны ремонтлаганда хокук бозулар теркәлгән.
Беренче адрес буенча пыялалы балконнарның стеналарын җылытмаганнар, подъезд козырекларына су төшмәгәннәр, фан торбаларын чормадан чыгармаганнар һәм башкалар. Икенче адрес буенча су агызу системасын алыштырганда җиргә утырту үткәрелмәгән, вентшахтлар ремонтланмаган.
Мондый хокук бозулар нәрсәгә китерәчәк? Әйтик, бөтен йортның фасады җылытылмаса, җылылык контуры бозыла. Әгәр дә фан торбасын түбәгә чыгармасаң, канализация белән проблемалар барлыкка киләчәк.
Регоператор хокук бозуларны бетермәгән. Татарстан торак инспекциясе материалларны судка җибәрде. Тикшерү нәтиҗәләре буенча “ТКХ Фонды” коммерциячел булмаган оешмасы РФ КоАП 19.5 маддәсенең 1 өлешен административ хокук бозуда гаепле дип табылды, һәр йорт буенча 10 мең сум штраф билгеләнде. Штрафлар күрсәтмәләрне үтәүдән азат итми.
Узган ел инспекторлар капиталь ремонтның сыйфатын тикшерү барышында 327 күрсәтмә биргәннәр, шуларның 165е үтәлгән.
Татарстан торак инспекциясе матбугат хезмәте