Башкарма комитетларның чарасызлыгы аркасында кемне сервисларга керү мөмкинлегеннән мәхрүм иттеләр?
13 меңгә якын коттедж һәм таунхаус хуҗалары торак-коммуналь хуҗалык ДИС шәхси кабинеты һәм “Госуслуги Дом” кушымтасы хезмәтләреннән файдалана алмый.
ШТТ милекчеләре нинди мөмкинлекләрдән мәхрүм ителгән? Шулай ук счетчик күрсәткечләрен тапшыру, түләүләр, территорияне төзекләндерүдә катнашу, хокуклы субсидияләр һәм чыгымнарны каплау турында мәгълүматны ерактан алу, хезмәт күрсәтүчеләр белән виртуаль контрактларга керү, хезмәт сыйфаты мәгълүматларын анализлау һәм хезмәт күрсәтүдәге өзеклекләр дә мөмкин түгел.
Әйе, түләү документларын түләргә һәм исәпләү приборлары күрсәткечләрен башка ысул белән дә тапшырырга мөмкин. Әмма кушымтада һәм шәхси кабинетта барлык мәгълүматлар саклана,чыгымнарны исәпкә алу җиңел.
Мәсәлән, Актаныш районында һәр унынчы милекче сервислардан файдалана алмый, Тукай районында – hәр унөченче, республика башкаласында – һәр унбишенче. Аутсайдерлар арасында шулай ук Мамадыш, Арча, Әлки, Чүпрәле, Кукмара районнары һәм Яр Чаллы шәһәре бар.
Чикләүләр өчен “рәхмәт” не башкарма комитетлар хезмәткәрләренә җибәрергә киңәш итәбез. Ике елга якын вакыт узды, ә әлегә кадәр ТКХ ДИС системасына шәхси сектор йортларының кадастр номерларын кертмәгәннәр.
Лаеш районында хәлне актив төзәтәләр: федераль системага мәгълүматлар кертү буенча атна саен тотрыклы динамика. Районда 24 меңнән артык йорт бар, 800гә якын кадастр номерын кертәсе калды.
Барлыгы биш район - Яшел Үзән, Кама Тамагы, Алексеевск, Саба һәм Теләче – иң югары җаваплылык дәрәҗәсен күрсәттеләр. Бу районнарда бу юнәлештәге эш тулысынча төгәлләнгән.
Түбән Кама, Питрәч һәм Яңа Чишмә районнары башкарма комитетларына кадастр номерын 1 йорт кына кертәсе калды. Биектау, Мөслим, Балык Бистәсе, Аксубай, Спас, Югары Ослан, Баулы, Чистай, Буа, Менделеевск, Тәтеш һәм Алабуга районнары үз эшләрен төгәлләделәр диярлек.
Санап үтелгән районнарда яшәүчеләргә үз кабинетларында үз йортлары турындагы мәгълүматны тикшерергә киңәш итәбез. Керү мөмкинлеге юкмы? Безгә комментарийларда языгыз https://t.me/gji_rt.
Татарстан торак инспекциясе матбугат хезмәте