Торакчыларның ихлас күңелдән гаепләрен танулары
«Гаебемне таныйм, каты җәза бирмәвегезне үтенәм», - дип сорады Әгерҗе идарәче компаниясе директоры. Административ хокук бозу турындагы эшне карау өчен шәхсән катнашмады, хокук бозулар бетерелде, дип үтенеч һәм фотосурәтләр җибәргән.
Әгерҗе шәһәренең М.Горький урамындагы 6 нчы йортны тикшерү барышында торак инспекторы подвалда чүп-чар, фекаль кабыклар, хлорлы матдәләр белән эшкәртелмәү, җылыту һәм кайнар су белән тәэмин итү системаларының җылылык изоляциясе бөтенлеге бозылу, тутыгу, тамып тору кебек хокук бозуларны ачыклады.
«Кайнар су белән тәэмин итү торбаүткәргече челтәрләрнең тузганлыгы аркасында тама, канализация тышкы суүткәргеч челтәрләрендәге чүп-чар аркасында ага башлаган, хокук бозулар бетереләчәк», - дип язган беркетмәгә «СМП №184» ИК директоры.
Хокук бозуларны торакчылар нибары бер атна эчендә бетергәннәр! Инженер системаларын ремонтларга һәм подвалда тәртип урнаштырырга нәрсә комачаулаган соң?
«184 нче төзелеш-монтаж предприятиесе» ҖЧҖ директорына 25 мең сум штраф салынды.
Идарәче компания өчен мөмкин булмаган бернәрсә дә юкмы? Сез ничек уйлыйсыз? Безгә шәрехләрдә языгыз:https://t.me/gji_rt.
Татарстан Торак инспекциясе матбугат хезмәте