«Новация» ИК подъезддагы салкынлык өчен 125 мең түләячәк
Әлмәт шәһәрендә күчмә кабул итү йомгаклары буенча чаралар күрелде: «Новация» идарәче компаниясенә 125 мең сум штраф салынды. Г.Тукай пр. буенча 37А йортта тикшерү баш торак инспекторының шәхси кабул итүе нигезендә үткәрелде.
Мөрәҗәгать итүче хәбәр иткәнчә, подъездда салкын, тәрәзәләрдән өрә һәм ишек ябылмый һ.б. Тикшерү барышында мөрәҗәгать итүче хәбәр иткәнгә караганда күбрәк тә хокук бозулар ачыкланды. Тышкы ишек тыгыз ябылмый, асылынып тора, ишекнең өске элмәге какшаган, тамбурда җылыту торбаларында җылылык изоляциясе өлешчә юк, кайбер катларда тәрәзәләр ватылган һ.б.
Исегезгә төшерәбез, тамбурның стеналары, түшәмнәре һәм ишекләре җылытылган булырга тиеш, үтәли җил үтүе ярамый. Керү ишекләре доводчиклар яки пружиналар ярдәмендә ябылырга, тыгызлагычлары булырга тиеш. Тәрәзәләрдә пыяла һәм фурнитура, яктырту, һава температурасы кимендә +16 градус, даими җыештыру (тәрәзәләрне, тәрәзә төпләрен, җылыту радиаторларын себереп чыгу – 5 көнгә кимендә 1 тапкыр; стеналарны – аена кимендә 2 тапкыр; юу – аена кимендә 1 тапкыр) булырга тиеш.
«Новация» ИК РФ КоАП 2 ст. 14.1.3 өлешендә каралган административ хокук бозуда гаепле дип табылды, 125 мең сум күләмендә штраф билгеләнде.
Бозуларны бетерү буенча бирелгән күрсәтмәнең үтәлеше Инспекция контролендә.
Шәхси кабул итүгә язылу буенча сораулар бармы? Безгә шәрехләрдә языгыз: https://t.me/gji_rt.
Татарстан Торак инспекциясе матбугат хезмәте