Гомуми җыелышларның беркетмәләре килде
Татарстанның Торак инспекциясе шәһәр халкына мөрәҗәгать итә. Казан, Бөгелмә, Биектау һәм Лаеш районнары: Инспекциягә милекчеләрнең гомуми җыелышы беркетмәләре килде. Көн тәртибендәге төп мәсьәлә – яңа идарәче оешманы сайлау.
Җыелыш беркетмәләре нигезендә, милекчеләр:
- Биектау районының Биектау авылында Совхоз урамы буенча 33 йортта яшәүчеләр «Высокая Гора» ИК» ҖЧҖ сайлаганнар;
- Казанның Оренбург тракты урамындагы 140г номерлы йортта яшәүчеләр «УК «Управление комфортом» ҖЧҖ өчен тавыш биргәннәр;
- Лаеш районы Сокуры авылының Березовая урамы буенча 1 йортта яшәүчеләр үз мөлкәтен «УК «Эрмитаж» ҖЧҖ ышанып тапшырганнар;
- Бөгелмә шәһәренең Якупов урамындагы 40 йорт милекчеләре «УК «АнТей» ҖЧҖ сайлаганнар.
Шулаймы бу? Әгәр фатир хуҗалары әлеге идарәче компанияне сайлау буенча гомуми җыелышта катнашмаган, тавыш бирмәгән, бюллетеньнәрне имзаламаган икән, шәхсән Татарстан Торак инспекциясенә мөрәҗәгать итүегезне сорыйбыз. Моннан тыш, имзаларның ялган булуы турында дәлилләүче фактлар ачыкланганда, сез тиешле чаралар күрү өчен хокук саклау органнарына мөрәҗәгать итәргә хокуклы.
Татарстан Торак инспекциясе матбугат хезмәте