Суд капиталь ремонт буенча регоператорга штраф салды
Түбән Кама торак инспекциясе Түбән Кама шәһәрендә Химиклар проспектындагы 82б номерлы йортта капиталь ремонтны тикшерү барышында хокук бозуларны ачыклады, «ТКХ Фонды» КО төбәк операторына аларны бетерергә мәҗбүр итте.
Кабат тикшерү күрсәткәнчә, регоператор күрсәтмәне игътибарсыз калдырган: вентшахта өстендәге плитәләргә ремонт үтәлмәгән, түбәләрне ремонтлаганда күп кенә фатирларны су баскан, эш графигыннан шактый артта калган.
«Торак-коммуналь хуҗалык фонды» КО суд утырышын да игътибарсыз калдырды: вәкил килмәде. Материалларны өйрәнгәннән соң, җәмәгать судьясы регоператорга кабат хокук бозган өчен 20 мең сумлык административ штраф билгеләде.
Узган атнада Инспекция Чистай шәһәренең Энгельс урамындагы 104нче, Тынычлык урамындагы 30,34нче, Академик Королев урамындагы 1нче йортлардагы тәртип бозуларны бетерү буенча тагын берничә күрсәтмә бирде.
10 декабрьгә кадәр Фонд 25 хокук бозуны бетерергә тиеш: веншахталарны, чормаларны җылытырга, тәрәзә битләрен ремонтларга, түбәгә коймалар һәм су агызгычлар куярга һәм башкалар.
Без сезнең йортларыгыз турында яздыкмы? Безгә шәрехләрдә языгыз: https://t.me/gji_rt.
Татарстан Торак инспекциясе матбугат хезмәте