Җиңүченең хаталары
«Жилье» идарәче компаниясенә ике штраф һәм тугыз кисәтү билгеләнде. Бер өлеше – хокук бозуларны профилактикалау сыйфатында. Мәсәлән, Түбән Кама шәһәрендә кайнар һәм салкын су белән тәэмин итүне озак вакытка өзгән өчен. Идарәче компания директоры тиешле сыйфатта күрсәтелмәгән хезмәт өчен яңадан исәп-хисап ясарга мәҗбүр ителде. Ягъни су булмаган икән, димәк, 200дән артык күпфатирлы йортта яшәүчеләр түләргә тиеш түгел.
Кисәтүләр шулай ук:
- Тынычлык проспектындагы 95 нче йортның подвалын су баскан өчен;
- Мәктәп бульвары урамындагы 3а йортта чүп контейнерларының торышы, подвалда тәртипсезлек өчен;
- Вокзал урамындагы 4 нче, Гайнуллин урамындагы 20 нче йортларда кайнар су һәм җылылык чыгымнарын коммерцияле исәпкә алуның булмавы өчен;
- Яшьлек урамындагы 11 нче йорт янында зур габаритлы чүплек булганы өчен.
Сүз уңаеннан, Яшьлек урамындагы йорттан шикаятьләр килмәде, халык «ВКонтакте»дагы пабликларда канәгатьсезлек белдергән. Социаль челтәрләрдәге хәбәрләр еш кына кисәтүләр өчен сәбәп була, аларның үтәлеше инспекция контролендә тора.
Корабельная урамындагы 19 нчы йортта кайнар суның түбән температурасы өчен идарәче компания РФ КоАП 7.23 ст. 1 нче өлешендә билгеләнгән максималь суммага - 5 мең сумлык штрафка тартылды. Өйгә +62 градуслы су керә, әмма мөрәҗәгать итүченең фатирының ванна бүлмәсендә суның температурамы нибары + 41,2 градус. Исегезгә төшерәбез, норматив диапазон +60 градустан да түбән түгел һәм +75 градустан да югары түгел.
Иң зур административ җәзаны «Жилье» ИК ҖЧҖ җитештерү-техник бүлеге башлыгына Җиңүнең 30 еллыгы урамындагы 10 нчы йорттагы хокук бозулар өчен билгеләнде. Монда подвалны су баскан, өстәвенә, йортның нигезе суда утыра. Штраф – 60 мең сум.
Идарәче компаниягә карата барлык чаралар нибары 4 көн эчендә күрелде. Торак инспекторлары «КФЙ белән идарә итүдә халык белән үзара хезмәттәшлек» Бөтенроссия конкурсында җиңүчегә тискәре карашта торалармы?
Түбән камалылар үзләре сентябрьдә әлеге компания эшен бары тик 3,78 баллга гына бәяләгәннәр. Татарстан Республикасында Кеше хокуклары буенча вәкаләтле вәкил аппараты мәгълүматларына караганда, Түбән Кама районында яшәүчеләр «Жилье» ИК ҖЧҖ эшеннән канәгать түгел. Нәтиҗә Дәүләт хезмәтләре порталындагы бәяләмәләрне анализлау нигезендә ясалган, аны ай саен вәкаләтле аппарат эшли. Сыйфат бәяләмәсе буенча әлеге компания янә республиканың ТКХ аутсайдерлары арасында: быел сентябрь аенда иң аз балл җыйган.
Татарстан Торак инспекциясе матбугат хезмәте