Ял көнендә янгын һәм агулану
Газ хезмәткәрләре өчен ял көннәре "утлы таба"да узган: Лениногорск шәһәренә янгын урынына чыкканнар. Гаепле зат, зыян күрүче дә ул, электр приборларын эксплуатацияләү кагыйдәләрен бозган. Газчылар профилактика максатларында Кошевой урамындагы 25 а номерлы йортның бөтен подъездын газдан сүндергәннәр, әмма чикләүләрдән соң янгын чыккан урында гына калганнар.
Зәй шәһәренең Төзүчеләр урамындагы 9 нчы йорттагы исерек кешеләр газ плитәсен караусыз калдырганнар. Фатирга газ хезмәткәрләре Гадәттән тыш хәлләр министрлыгы ярдәмендә эләгә алган. Хәзер күршеләргә бернинди дә куркыныч янамый: фатирда газ заглушкасы урнаштырылган.
Әлмәт шәһәрендә сүндерүнең сәбәбе газ исе булган. Ленин урамындагы 135 нче йортта «Альметьевскгаз» ЭҖИ хезмәткәрләре торбаүткәргечнең герметик булмавын ачыклаганнар.
Үз-үзеңә ышану вирусы Бөгелмә шәһәренә дә килеп җиткән: әгәр моңарчы газ җиһазларын Казан һәм Әлмәтнең диван «профессионаллары» гына урнаштырган булса, география киңәйгән. Чайковский урамындагы 12 нче йортта яшәүче бары тик шлангларны гына алмаштырган, шулкадәр профессиональ дәрәҗәдә башкарган ки, газүткәргечне су белән тутырган.
Бөгелмә шәһәренең Гоголь урамындагы 49 нчы йорттан 1997 елда туган хатын-кызны һәм 2016 елда туган малайны хастаханәгә салганнар. Соңгы тапкыр уздырылган техник хезмәттән соң бер елдан артык вакыт узган! Гадәттән тыш хәлдән соң тикшерү вакытында тәрәзәләр ябык булганда төтен юллыгында тарту көченең булмавы ачыкланган. Су җылыту колонкасы заглушка белән сүндерелгән.
Инспекция инцидент шартларын ачыклый, шулай ук газ хезмәте һәм идарәче компанияләр тарафыннан йөкләмәләр үтәлешен дә тикшерә.
Татарстан Торак инспекциясе матбугат хезмәте