Шул ук хокук бозучылар, шундый ук хокук бозулар
Идарәче компанияләрнең кайбер директорларында штрафларга ныклы иммунитет барлыкка килгән. Мисал өчен, Әлмәт шәһәрендә «ЖЭУ-7» ҖЧҖ директорына чираттагы тапкыр штраф салынды. Бу юлы сәбәп Герцен урамындагы 88 нче йорттагы тәртип бозулар: яктылык юк, канализация исе килә, тараканнар, канализация торбалары җирдә, кирпеч һәм ташлар өстендә ята, җылыту һәм кайнар су белән тәэмин итү системаларында җылылык изоляциясе өлешчә юк, салкын су белән тәэмин итү торбаларында коррозия һәм тутык, аз токлы чыбыкларда пәрәвезләр – барысы 10нан артык хокук бозу очрагы бар.
Шул ук вакытта йорт кышкы шартларда көчәйтелгән эшкә әзер дип табылган: 4 сентябрьдә район башкарма комитеты торак-коммуналь хуҗалык системасына әзерлек паспортын урнаштырган. Ягъни кертелгән мәгълүматлар нигезендә субъектларның тулаем әзерлеге турында нәтиҗә ясаучы федераль система кураторларын ялгыш фикергә китергәннәр. Паспортта подвалда ремонт ясалган, шул исәптән торбаүткәргечләр изоляцияләнгән, дип язылган бит.
Исегезгә төшерәбез, йортларның әзерлеген бәяләүнең өч категориясе бар: «әзер», «кисәтүләр белән әзер» һәм «әзер түгел». «Кисәтүләр белән әзер» тәгъбирләмәсе торакчыларга ялган ышаныч бирә. «ЖЭУ-7» ҖЧҖ директорына да.
Лермонтов урамындагы 47 нче йорт та әлеге идарәче компания идарәсендә. 17 сентябрьдә, ягъни федераль законда билгеләнгән сроктан соң, паспорт «искәрмәләр белән әзер» дип имзаланган. Шуңа күрә, торак инспекторлары беркетмә төзегәч һәм подвалны һәм чорманы тиешенчә карап тотмау сәбәпле административ хокук бозу турында эш кузгаткач, директор беркетмә белән килешмәвен язган – йорт кышка әзер.
Вазыйфаи зат һәр очрак буенча административ җаваплылыкка тартылды. Штрафларның гомуми суммасы – 50 мең сум.
Хокук бозуларны бетерү буенча бирелгән күрсәтмәләр үтәлеше Инспекция контролендә.
Татарстан Торак инспекциясе матбугат хезмәте