Тагын әйбәт булмаган әле бу
Татарстанның Торак инспекциясе «Әйбәт» идарәче компаниясен җаваплылыкка тартты. Инспекциягә Менделеев урамындагы 2 нче йортта яшәүчеләрдән кайнар суның түбән температурасына һәм торакчыларның гамьсезлегенә карата 9 шикаять керде.
Инспекторлар гариза бирүчеләрнең фатирларында үлчәүләр үткәрделәр. Су, чыннан да, +40 °стан +51,4 °С ка кадәр нормативка туры килми. Шул ук вакытта, өйгә керткән өлешендә параметрлар нормативларга туры килә.
Исегезгә төшерәбез, краннан кайнар су температурасы нормативы + 60 градустан да түбән түгел, +75 градустан да югары булмаска тиеш. Түбән температура бусагасын үтәмәү суда куркыныч бактерияләр барлыкка килүгә китерә. Югары чикне узу кулланучыга пешү, ә су белән тәэмин итү системаларына тиз тузу куркынычы белән яный.
Өйдәге кайнар су идарәче компания гаебе белән нормативка туры килми икән, димәк, кулланучылар кайнар су белән тәэмин итү хезмәте буенча түләүне киметергә тиеш.
Су нормативтан түбәнрәк яки югарырак булган һәркем түләүне яңадан исәпләтергә хокуклы, хезмәт тиешенчә күрсәтелергә тиеш. Әгәр су нибары 40 градус кына булса, түләү салкын суга исәпләнгән кебек исәпләнергә тиеш.
Идарәче компания РФ КоАП 7.23 ст. 1 өлеше буенча административ хокук бозуда гаепле дип табылды һәм максималь суммалы штрафка тартылды, Кодекста билгеләнгәнчә, «Халыкны коммуналь хезмәтләр белән тәэмин итүнең норматив дәрәҗәсен яки режимын бозу <...> өчен вазыйфаи затларга – биш йөз сумнан бер мең сумга кадәр, юридик затларга биш мең сумнан ун мең сумга кадәр административ штраф салуга китерә».
Татарстан Торак инспекциясе матбугат хезмәте