Уңышсыз экономия
Татарстанның Торак инспекциясе Әлмәт шәһәрендә яшәүче хатын-кызны үз белдеге белән агып торган газ су җылыткычын урнаштырган өчен җаваплылыкка тартты. Хатын-кыз колонканы алмаштырырга җыенган, һәм, кирәк бит, уңыш елмайган – подъездга керү урынында ук газ җиһазларын урнаштыру хезмәте буенча белдерү чалынган.
Сөләйманова урамындагы 23 нче йортта яшәүче хатын белдерүдә күрсәтелгән телефон номерына шалтыраткан. Белгеч чакыруга җавап итеп, су җылыткычны урнаштыра, акча эшли һәм газүткәргечне су белән тутыра.
«Профессионала» эшенең нәтиҗәләрен бетерү өчен «Альметьевскгаз» ЭҖИ хезмәткәрләренә бөтен йортны газдан сүндерергә туры килгән. Хәзер 120 гаилә кайнар сусыз калган. «Профессионал» качкан.
Административ хокук бозу турындагы эш Әлмәт районара торак инспекциясендә каралды. Нәтиҗәдә 5000 сум күләмендә штраф билгеләнде. Газ колонкасын монтажлау өчен белгеч чакырту фатир хуҗабикәсенә берничә тапкырга арзанракка төшәр иде.
Татарстанның Торак инспекциясе искәртеп уза, газ җиһазларын абонентлар белән ике арада хезмәт күрсәтүгә килешү төзелгән оешмалар гына урнаштырырга тиеш. Бары тик шундый оешма гына колонканы алмаштырырга яки газ җиһазлары белән бәйле башка эшләрне башкарырга хокуклы.
Һәм газ җиһазларын урнаштыруны берничек тә реклама белдерүләрендәге хезмәткәрләргә ышанып тапшырырга ярамый. Аларның берсе дә фаталь хата җибәрмәячәкләренә гарантия бирмәячәк. Хәзер әлеге хатын проблема белән күзгә-күз калган: гадәттән тыш хәлне бетергән өчен зыянны капларга һәм су җылыткыч җайланмасын урнаштырган өчен барыбер түләргә кирәк. Күршеләр белән мөнәсәбәтләр бозылган.
Ел башыннан газүткәргечкә су эләгүнең 33 очрагы теркәлгән. Законны Казанда (17) һәм Әлмәттә (15) массакүләм рәвештә бозалар. Бер очрак Бөгелмә шәһәрендә булган.
Татарстан Торак инспекциясе матбугат хезмәте