Җиде мильле адымнар белән барабыз
Татарстан муниципалитетлары күпфатирлы йортларның әзерлек паспортларын бердәм федераль системага актив урнаштыралар: документларның 75 % ы кертелгән.
Узган атнада Аксубай, Алексеевск, Әлки, Әтнә, Кайбыч, Спас һәм Мөслим районнары гына лидер булса, бүген исә исемлекне Түбән Кама, Алабуга, Тукай, Ютазы һәм Теләче районнары тулыландырды.
Тукай, Буа һәм Менделеевск районнары башкарма комитетлары аутсайдерлар рәтендә иде. Бүгенгә районнарда барлык йортларның диярлек паспортлары әзер. Мәсәлән, Тукай районы башкарма комитеты хезмәткәрләренә барлык 262 йортның да әзерлек паспортларын йөкләү өчен бер атна вакыт җиткән. Буалыларга 7 паспорт (барлыгы 189 КФЙ), менделеевлыларга 16 (барлыгы 136 КФЙ) йөклисе калган.
Азнакай, Балтач, Тәтеш һәм Чирмешән районнарында үзгәреш юк – ТКХ системасында бер генә әзерлек паспорты да юк.
Әмма ТФМ порталыннан күренгәнчә, Чирмешән районының торак фонды кышка әзер: 31 йортның паспорты республика системасына кертелгән. Тик, исегезгә төшерәбез, субъектларның әзерлеге федераль порталдагы мәгълүмат буенча бәяләнә. Һәм аутсайдерлар Татарстанның имиджын боза.
Республика башкаласында Мәскәү һәм Киров районнары артта кала. Мәскәүдә индивидуаль җылыту белән 7 йорт бар, бары тик 3 генә әзер. Киров районында 18 йортның 12се генә әзер. Үзәк җылылык белән тәэмин ителгән йортлар буенча да артта калу бар: әзерлек 92% һәм 97%.
Исегезгә төшерәбез, ТКХ системасына документларны имзаланганнан соң 15 көннән дә соңга калмыйча кертергә кирәк. Килешүнең соңгы көне – 15 сентябрь. Ягъни 30 сентябрьдән Татарстан Торак инспекциясе артта калучыларга карата административ характердагы чаралар кулланачак.
Бу атнада инспекторлар паспортларына газчылар кул куймаган 496 йортны тикшерәчәк. Дәгъваларның күбесе Чистай районына: йортларның яртысына якыны документлар белән килештерелмәгән. Сәбәбе – вентиляция һәм төтен каналларының яраклылыгы турында актлар юк.
Әгерҗе районына күпфатирлы йортларның фасадларын җылыту комачаулый: 27 йортның диварлары калынайганнан соң фасад газүткәргечләренә хезмәт күрсәтү мөмкин түгел. Торбалар стенага терәлеп тора. Бәлки, бу кышта өйләрдә җылырак булыр, әмма газүткәргечтә ярыкны белгечләр вакытында таба алмаячак.
Сезнең өегездә ватык тәрәзәләр, ишек, юеш подвал ябылмыймы, цоколь коеламы, фасадта һәм отмосткада ярыклар бармы? Сезнең йортыгыз кышка әзер түгел. Безгә шәрехләрдә языгыз: https://t.me/gji_rt.
Татарстан Торак инспекциясе матбугат хезмәте