Хокук бозуларны дүшәмбегә кадәр бетерү!
Хокук бозуларны дүшәмбегә кадәр бетерү – идарәче компанияләр директорларына һәм республиканың ун башкарма комитетына Сәрия Сабурскаядан шундый йөкләмә. Татарстанда Кеше хокуклары буенча вәкил республиканың Торак инспекциясендә киңәшмә уздырды. «Халык контроле» системасында гаризаларны үтәү турында фикер алыштык. Ике сәгать дәвамында татарстанлыларның гаризаларына җаваплар каралды.
«Экопарк Дубрава» идарәче компаниясе, сез ничек итеп «Мотивлаштырылган баш тарту» турында җавап бирә алдыгыз? А. Терегулов урамындагы 4 нче йортта яшәүче кирпечләр төшүе турында яза, ә сез проблеманы хәл итүдән баш тартасызмы?!» – дип сорады Сәрия Харисовна директордан.
«Мин безне монда җаваплылыкны күчерергә түгел, ә проблемаларны хәл итәргә ярдәм итү өчен чакырганнардыр дип уйлаган идем», – дип җавап кайтарды «Экопарк Дубрава» ИК директоры.
Руслан Гыйльметдиновка күпфатирлы йортны карап тоту өчен нәкъ менә идарәче компания директоры җаваплы булуы турында искә төшерделәр. Аның торак фонды белән идарә итү буенча бизнеска лицензиясе бар.
Директор хәбәр иткәнчә, алар йортка капиталь ремонт буенча республика программасы килүен көтәләр. Ягъни, 2043 ел җиткәнен. Соңрак директор фасадны шулай да ремонтлаганнарын хәбәр итте.
«Жилищный фонд» ИК җитәкчесе җәй көне Нижняя урамындагы 8 нче йортның керү төркемен ремонтларга вәгъдә иткән. Аннары срокны 29 сентябрьгә, соңыннан 30 октябрьгә күчергән.
«Ә әзерлек паспортын алдыгызмы инде? – дип сорады директордан баш торак инспекторы Александр Тыгин. – Административ җаваплылыкка тартачакбыз. Мондый ишек белән сез ничек паспорт ала алдыгыз?».
Киләсе атнада йортка инспекторлар киләчәк, һәм алар йортка яңа ишек аша керергә тиеш.
Киңәшмәдә дистәләгән мөрәҗәгатьләр һәм аларга җаваплар каралды. Торакларны карап тотучылар һәм башкарма комитетлар бөтен җирдә дә хаталар өстендә эш алып барырга тиеш.
«Сез анда сезнең җавапларга язылган шәрехләрне укыгыз!» - диде Сәрия Харисовна.
Ә сез «Халык контроле» системасындагы җаваплардан канәгатьме? Безгә шәрехләрдә языгыз: https://t.me/gji_rt.
Татарстан Торак инспекциясе матбугат хезмәте