Газ плитәсе җылытамы? Янып китү куркынычы бар
Татарстанда сизелерлек суытты. Көндез һаман да кояш яктырта һәм хәтта бераз җылыта икән, төнгә синоптиклар кыраулар булыр дип фаразлый. Батареялар тагын бер-ике атна эшләмәячәк әле, һәм үз йортында ничек җылынырга икәнен һәркем үзе хәл итә.
Башка килгән иң гади вариантларның берсе – газ плитәсен кабызу. Ә фатирны тизрәк җылыту өчен, халык форточкаларны яба, вентканалларны да ябарга мөмкин, ягъни теләсә нинди үтәли җил булмасын өчен тырышлык куя. Һәм шуның белән үзләрен һәм гаиләләрен куркыныч астына куялар.
Табигый газ янганда исле газ хасил була, аны әле акрын үтерүче дип тә атыйлар. Аның төсе дә, исе дә юк. Ул җилләтелми торган бүлмәгә керү белән үк организмның бик тиз агулану процессы башлана. Башта бу баш авырту, аннары буылу, аннары паралич һәм аңны югалту булырга мөмкин. Беренчеләрдән булып йорт хайваннары, балалар зыян күрә.
Көндәлек тормышта газ кулланып, гади куркынычсызлык кагыйдәләре турында онытмаска кирәк. Һәр газ горелкасын кабызу очрагында куркынычсызлык өчен абонентның шәхси җаваплылыгы тора.
Плитә, көнкүрештә газны куркынычсыз куллану кагыйдәләрен төгәл үтәп, ризык әзерләү өчен генә каралган. Аларга кулланмада, газны һәм газ приборларын тиешенчә кулланмау, җылыту өчен газ плитәләреннән файдалану тыела, дип төгәл язылган.
Ә сез җылыну өчен плитәне кабызасызмы? Безгә шәрехләрдә языгыз: https://t.me/gji_rt.
Татарстан Торак инспекциясе матбугат хезмәте