Бер тәүлек эчендә газга бәйле гадәттән тыш хәл турында

2025 елның 25 августы, дүшәмбе

Төнлә «Казаньгоргаз» ЭҖИ хезмәткәрләре Завойский урамындагы 16 нчы йортта зәңгәр ягулыкны сүндергәннәр. Күршеләр ябык фатирдан газ исе сизгәннәр һәм авария хезмәтенә шалтыратканнар.

Йортта техник хезмәт күрсәтү 28 апрельдә үткәрелгән. Барлык фатирларны тикшергәннән соң газ белән тәэмин итүне торгызачаклар.

Инспекция хәлләрне ачыклый, шулай ук идарәче компанияләр һәм газ хезмәте тарафыннан йөкләмәләр үтәлешен тикшерә.

Татарстан Торак инспекциясе матбугат хезмәте