Марсель Низаметдинов: «Мин бәхетле кеше»
Сезнең коллективта җомга һәм кояшлы көннәрдә генә түгел, ә даими рәвештә кәефе күтәренке хезмәткәр бармы? Үзенең халәте белән башкаларга да шатлык өләшә торган, һәрнәрсәдә яхшылык күрүче, тормыш җанлы кеше? Бездә бар! Иртәгә чираттагы юбилей булачак: 14 ел элек аның хезмәт кенәгәсендә Торак инспекциясенең кадрлар бүлеге яңа язу теркәгән булган.
Тулаем алганда, Марсель Низаметдиновның торак-коммуналь хуҗалык өлкәсендәге стажы күбрәк – студент эскәмиясеннән үк. Alma mater югары белем турында диплом тапшырылганнан соң ук, яңа инженер-технолог башкаланың Киров районы администрациясендә муниципаль хезмәткәр булып урнашкан. Аның эш фронты – поселокларда газ белән тәэмин итү. Эшләгән елларында барлык торак һәм коммуналь мәсьәләләр буенча көчен сынап караган.
«Торак-коммуналь хуҗалык – проблемалы өлкә, бик актуаль, кайдадыр ярдәм итәргә мөмкин һәм кирәк, ә кайдадыр нәтиҗәгә ирешергә кирәк. Һәм менә бу нәтиҗәгә ирешкәч, чын канәгатьлек хисе аласың», – диде Марсель Маратович.
Күпме ишегалдын, подвалларны, чормаларны, фатирларны карап чыккан – дистәләрчә мең квадрат метр. Бу физик яктан гына түгел, ә эмоциональ яктан да авыр. Инспекторларны еш кына карау вакытында мөрәҗәгать итүчеләр генә түгел, ярдәм төркеме – күршеләр дә озата йөри. Идарәче компаниягә яки ширкәт рәисенә карата ризасызлыкларын белдерәләр. Һәм контрольдә тотылучы затлар кочак җәеп каршы алмыйлар. Шуңа күрә инспектор өчен иң мөһиме янып бетмәү, стресска чыдам булу.
«Торак инспекциясеннән башка, халыкның мөрәҗәгать итәр урыны юк. Һәркемнең үз авыртуы, тиешле проблемасы, әмма аларны хәл итәргә тиешле затлар моны хәл итмәгән. Идарәче компанияләр аларның ялланган эшче көч икәнлеген аңларга тиеш. Милекчеләр алар белән килешү төзегәннәр, һәм якларның барлык шартлары да үтәлергә тиеш: торакны карап тотучылар – хезмәт күрсәтергә, ә халык аларның хезмәте өчен түләргә тиеш», – дип билгеләде инспектор.
Позитивта булырга нәрсә ярдәм итә?
«Гаилә, дуслар, табигать. Минем дусларым күп. Мин бәхетле кеше», – диде Марсель Маратович.
Улым Марат уңышлары белән сөендерә. Егет спорт белән шөгыльләнә, инглиз телен һәм математиканы өйрәнә. Улына бабасы хөрмәтенә исем кушканнар. Марат Нәзим улы оныгының тууын белми дә калган. Марат 14 майда, ә бабасы 15 майда туган. Ләкин аларга туган көннәрен бер генә тапкыр булса да бергә билгеләп үтәргә туры килмәгән.
«Улымның чын кеше булып үсүен һәм бәхетле булуын телим һәм шулай булсын өчен барысын да эшлим», – ди коллегабыз.
Чирек гасыр эчендә Марсель Низаметдинов бик күп рәхмәт хатлары һәм грамоталар алган. Республика Хөкүмәте дәрәҗәсендә дә билгеләп үтелгән. Хезмәт юбилеенда хезмәттәшебезгә зур уңышлар, теләгәннәренә ирешүен, бәхет һәм иминлек телибез.
Татарстан Торак инспекциясе матбугат хезмәте