«Центр ЖКХ и С» АҖ тәэмин итә …
Инспекторлар үзләре белән резин итекләрне болай гына алып китмиләр: кайвакыт алардан башка подвалга кереп булмый. Лениногорск шәһәренең Гагарин урамындагы 16 нчы йорттагы кебек. Монда канализация системасы өзелгән.
Тикшерү өчен сәбәп йортта яшәүченең шикаяте булды. Барысы да шаблон буенча: подвалны су баса, юешлек, исләр, идарәче компания эшләми. Тикшерү барышында барлык фактлар да расланды.
Йортның мондый хәлдә булуында «Центр ЖКХ и С» АҖ директоры гаепле. Вазыйфаи затка 25 мең сум күләмендә штраф билгеләнде.
Башка хокук бозулар да бар: идарәче компания район халкының милекчеләрнең гомуми җыелышын уздыру хокукын бозган.
Элегрәк хәбәр иткән идек инде, әлеге идарәче компания хезмәт күрсәтә торган 301 йорт буенча мәгълүмат ТКХ ДМС федераль системасына тулысынча кертелмәгән, димәк, милекчеләр читтән торып җыелыш та үткәрә алмаячак. Чөнки торак-коммуналь хуҗалык системасында кворумны исәпләгәндә Росреестрдан мәйдан турында мәгълүмат урнаштырылган һәм хокук иясе турында мәгълүматны билгеләргә мөмкин булган бинаның кадастр номеры күрсәтелгән биналар гына исәпкә алына.
Вәзгыять тамырдан үзгәрмәгән. Төп бозу – биналарның кадастр номерлары кертелмәгән яки хата белән кертелгән.
Торак-коммуналь хуҗалык системасында виртуаль кабинет ачарга киңәш итәбез. Сезгә йорт турында бөтен мәгълүмат ачык булачак, ә иң мөһиме, үзегезнең мөлкәтегез белән бәйле бөтен нәрсәне күзәтә алачаксыз, барлык эшләрне һәм хезмәтләрне контрольдә тота алачаксыз.
Подвалларга килгәндә, 15 сентябрьгә барысы да коры һәм чиста булырга тиеш. Бу көнне республиканың барлык күпфатирлы йортларының да әзерлек паспорты булырга тиеш. Һәм идарәче компания директоры өстәлендә ятып кына калмыйча, торак-коммуналь хуҗалык системасында гомуми кулланылышта булырга тиеш.
Сүз уңаеннан, Лениногорск муниципаль районы сайтында әлеге компаниянең бите бар. «Центр ЖКХ и С» АҖ турында мәгълүмат» бүлегендә болай дип язылган: «Центр ЖКХ и С» АҖ күпфатирлы йортларның гомумйорт мөлкәтен тиешенчә карап тотуны тәэмин итә, Татарстан Республикасы Лениногорск шәһәре һәм Лениногорск районы территориясендә халыкка күрсәтелә торган коммуналь хезмәтләрнең сыйфатын тикшереп тора»
Лениногорск халкы моның белән килешәме? Безгә шәрехләрдә языгыз: https://t.me/gji_rt.
Татарстан Торак инспекциясе матбугат хезмәте