Исемлектә сезнең идарәче оешма бармы?
Сез үз фатирыгызда ремонтны ничек планлаштырасыз: барысын да карыйсыз, бәялисез – тагын нәрсәнең хезмәт итә алуына, ә нәрсәнеңдер ашыгыч рәвештә алмаштырылырга тиеш булуын бәялисезме? Һәм нинди материаллар сатып алырга кирәклеген уйлап, бюджет күләмен билгелисезме? Шулаймы?
Идарәче оешмалар шулай ук барысын да карарга һәм мәгълүматларны һәр йортның виртуаль паспортына кертергә тиеш. Бу челтәрләрне вакытында алмаштыру һәм, гомумән, катлаулы участокларны билгеләү өчен бөтен йортны капиталь ремонтлауны планлаштырырга ярдәм итә.
Әмма гомумйорт милке еш кына исәпкә алынмый кала. Татарстанның Торак инспекциясе агымдагы елның июль аена булган мәгълүматларны анализлады: ТКХ ДМС системасында 1799 күпфатирлы йортның газ, су, җылылык һәм электр белән тәэмин итү, су агызу системалары буенча мәгълүматлары күрсәтелмәгән.
Әгәр торакчылар Y урамындагы Х йортта кайнар су торбаларын алмаштыру таләп ителүен хәтерли икән – яхшы, әмма барлык характеристикалар виртуаль паспортта булырга тиеш. Табиб диагнозны һәм дәвалау ысулын пациент картасына язган кебек үк бу.
Мисал өчен, «Унидом» ҖЧҖ Васильево штп. барлык инженерлык системалары буенча диярлек 59 йорт буенча мәгълүмат кертмәгән. Зеленодольскиның «Жилкомплекс» ИК ҖЧҖ 187 йорт буенча мәгълүматны тулысынча кертмәгән. Нигездә, кайнар су белән тәэмин итү системасы буенча. Космонавтлар урамындагы 1 нче йорт буенча, газ белән тәэмин итү системасы турында да берни дә билгеле түгел.
Әлмәтнең «Алсу» идарәче компаниясе 24 йортның мәгълүматларын кертмәгән. Ринат Галиев урамындагы 8,10, 24 нче йортларда кайнар су һәм җылыту системалары турында мәгълүмат юк.
Казанның «Вахитов районы» ИК 88 йорт буенча мәгълүмат урнаштырмаган, нигездә җылылык буенча. «Заречье» ИК – 90 йорт буенча тулы мәгълүмат юк, шул исәптән газүткәргечләр буенча да. Һәм бу шул ук вакытта әлеге идарәче компанияләр директорлары гомумйорт милкен, шул исәптән газ белән тәэмин итү белән бәйле булганнарын да, карап тоту өчен берничә тапкыр административ җаваплылыкка тартылган.
Исемлектә якынча 180 милекчеләр ширкәте бар. Аларның электрон паспортлары – буш, инженер системалары буенча бернинди мәгълүмат юк. Мисал өчен, Казанның «Миранда» һәм «Союз-2» торак ширкәтләре.
Идарәче оешмалар исемлеге безнең сайтта урнаштырылган. Исемлектә сезнеке бармы? Безгә шәрехләрдә языгыз: https://t.me/gji_rt.
Татарстан Торак инспекциясе матбугат хезмәте