Екатерина Акулинина: «Хатын-кызлар коллективында ныклы дуслык»
«Сез тавыш бирдегезме әле, юкмы?» - сайтта һәм социаль челтәрләрдә безнең яңалыклар лентасында мондый сорау белән хәбәрләр даими рәвештә чыгып тора. Татарстан Торак инспекциясенә милекчеләрнең гомуми җыелышының лицензияләр һәм беркетмәләр реестрына кертү турында гариза килгән саен, без һәрвакыт кире элемтә көтәбез. Бу Екатерина Акулинина коллективына идарәче оешмаларның документларын объектив карарга ярдәм итә.
Екатерина Валерьевна - «Татарстан Республикасы Дәүләт торак инспекциясе эшчәнлеген тәэмин итү идарәсе» ТР ДКУ директоры. Нәкъ менә монда һәм аның контроле астында беркетмәдәге һәр имзаны, бюллетеньдә имза салган теге яки бу кешенең катнашу хокукын җентекләп өйрәнәләр. Шундый хәлләр була, Росреестр нигезендә милекче бер кеше, ә карарны хуплап икенче кеше имза салган булып чыга, өстәвенә ышаныч кәгазе дә булмый. Барлык шикле беркетмәләр ТР буенча Эчке эшләр министрлыгына җибәрелә.
Җаваплылыкның тагын бер зонасы - ТКХ ДМС системасын күзәтеп бару. Без еш кына кем һәм кайда эшләп бетермәгәнен искә алабыз. Екатерина Валерьевна коллективы көн саен дистәләгән таблица һәм графикны өйрәнә. Күңелсез түгелме?
«Бөтенләй дә юк! Миңа саннар белән эшләү, мәгълүматны анализлау ошый. Саннар дөньясы мавыктыра һәм күп нәрсәне аңлата. Төгәллек – барысының да нигезе», - дип ышана идарә директоры.
Екатерина Январева Инспекциягә 2014 елда, А.Н.Туполев исемендәге КНИТУ-КАИ бакалаврлыкка укуын тәмамлаганнан соң килә, ләкин магистр дәрәҗәсенә кадәр укуын дәвам итә. Беренче вазыйфасы - 1 разрядлы белгеч. Бу дәүләт хезмәткәрләренең иң беренче баскычы. Карьера баскычыннан менгәндә, кыз фамилиясен алмаштырырга һәм әни булырга өлгерә.
«Ирем белән без университетта ук таныштык. Максим минем өчен - иң ышанычлы, иң яхшысы, иң якыны», - ди Екатерина Акулинина.
Ир белән хатынның бәхете - кызлары. Юля тормышны шатлык белән тутыра. Аның һәр уңышы - бәяләп бетергесез мизгел. Бакчада узган кичәдә әни турында җыр җырлый, әнисе, тарсынмыйча, күз яшьләрен сөртә. Әтисенә рәсем бүләк итә. Әтисе, әлбәттә, аны рамкага кертеп куя. Бергә уздырылган сәгатьләр, хәтта минутлар да гаҗәеп шатлык һәм дулкынлану белән тулган. Ата-ана кызларының әйләнә-тирә дөньяны ничек танып белүен күреп, сокланып күзәтәләр.
Гаиләнең көч урыны - дача, анда шәһәр ыгы-зыгысыннан ял итәләр, күпсанлы туганнары һәм дуслары белән очрашалар. Ә дүшәмбе көнне яңа рухи көчләр белән - яңадан статистика дөньясына.
«Безнең коллектив зур түгел. Хатын-кызлар коллективында дуслык була алмый дигән уйдырма бар. Мин моңа риза түгел. Безнең арада ныклы дуслык яши, мин хезмәттәшләремә һәрвакыт өмет итә алам дип ышанам», - диде Екатерина Валерьевна.
Коллегабызга зур иминлек, эшендә уңышлар, барлык теләкләре һәм планнарының үтәлешен телибез. Кызының сәламәт һәм энергияле булып үсүен, киләчәктә үз һөнәрен алып, яраткан эше белән шөгыльләнүен телибез. Максим белән Екатеринага күпсанлы оныклары һәм оныкларының балалары белән бергә Рәхмәт туйларын бәйрәм итү насыйп булсын.
Татарстан Торак инспекциясе матбугат хезмәте