Беренчесе китте
Авиатөзелеш районы җәмәгать суды моңарчы күрелмәгән карар кабул итте: «Авиатөзелеш районы торак-коммуналь хуҗалык идарәсе» ҖЧҖ директоры 2 елга дисквалификацияләнде.
Административ эш материалларын Татарстанның Торак инспекциясе июль аенда, халык шикаятьләре буенча чираттагы тикшерүдән соң җибәргән иде. Годовиков урамындагы 4,14 номерлы, Челюскин урамындагы 27 номерлы, Тимирязев урамындагы 8 номерлы йортларда тикшерү – кайнау ноктасы булды.
170 нче Кагыйдәләр һәм нормалар нигезендә төтен юлларының төрле төзексезлекләрен бетерүнең иң чик вакыты – күп дигәндә 1 тәүлек. Идарәче компания агып торган су җылыткычларны сүндерергә карар кылган.
Тикшерү барышында инспекторлар идарәче компаниянең вентканалларны һәм төтен чыгаргычларны даими тикшермәвен ачыкладылар – елына 3 тапкыр тикшерәсе урынга 2 тапкыр гына.
Берничә биттә хокук бозулар тасвирланган административ хокук бозу турындагы беркетмәдә директор: «Риза түгел» дип язды.
Судья, эш материалларын карап чыгып, вазыйфаи затны административ хокук бозуда гаепле дип таныды, директор тарафыннан Административ хокук бозулар турында РФ кодексының 14.1.3 статьясының 2 өлеше буенча берничә тапкыр хокук бозылуын исәпкә алды, җәзаны 2 елга дисквалификация рәвешендә билгеләде.
Суд карары әле үз көченә кермәгән. Шик юк, директор суд карарына шикаять бирәчәк, күпфатирлы йортлар белән идарә итү буенча үз бизнесы өчен көрәшәчәк.
Әлеге компаниягә үз мөлкәтен ышанып тапшырган һәркемгә мөрәҗәгать итәбез: «Авиатөзелеш районы ТКХ ИК» ҖЧҖ эше турында үз фикерегезне языгыз. Чатта шәрехләр көтәбез: https://t.me/gji_rt.
Татарстан Торак инспекциясе матбугат хезмәте