Ремонтның иң яхшысы кайда: уңай мисаллар
Исегезгә төшерәбез, быелгы капиталь ремонт программасына 915 йорт кертелгән. Һәркемнең тупланмалары бар, әмма булган сумма йортны тулысынча реконструкцияләүгә җитмәячәк. Шуңа күрә чыгымнарны татарстанлыларның кертемнәре җыела торган «Торак-коммуналь хуҗалык фонды» КО төбәк операторының «гомуми казан»ы түли. Әлеге программа булмаса, мәсәлән, Казанның И.Гаспринский урамындагы 31 нче йортта яшәүчеләргә 225 елны кичектерергә туры килер иде. Санап карыйк: торак һәм торак булмаган биналарның мәйданы 3 мең кв.м. тәшкил итә. Ремонт бюджеты – 67 млн.сумнан артык.
Зәй шәһәренең Ленин урамындагы 7 нче йортта яшәүчеләргә 12,7 млн.сумны 200 ел тупларга кирәк булыр иде.
Баулыларга Горюнов урамындагы 383 кв.м. мәйданлы 1 нче йортны ремонтлауга – 195 ел.
Чаллы халкы тизрәк җыячак: аларның Сөембикә проспектындагы 23/40 номерлы йортларын ремонтлауга, (гомуми мәйданы 9,5 мең кв.м.) 56,3 млн.сум җыяр өчен нибары 59 ел көтәсе.
И.Никитин урамындагы 9 нчы йортта яшәүче бөгелмәлеләргә дә аз көтәсе – 8,1 мең кв.м. исәпләнгән масштаблы ремонтка бүген 38,9 млн.сум кирәк. Бу сумманы 47 ел эчендә тупларга мөмкин.
Ремонтның уңай үрнәкләрен билгеләп үтик.
- Казан шәһәре, 2 нче Юго-Западная ур., 33,31 нче йортлар – түбә ремонтының үрнәк нәтиҗәсе.
- Түбән Кама шәһәре, Менделеев ур., 32 нче йорт – фасадны ремонтлау буенча бер генә кисәтү дә юк, проект нигезендә эш сыйфатлы башкарылган.
Сезнең йортта ремонт ничек уза? Шәрехләрдә фотосурәтләр көтәбез.
Татарстан Торак инспекциясе матбугат хезмәте