Атна нәтиҗәләре
Бер атна эчендә торак инспекторлары 110 йортны тикшерделәр, 96 хокук бозу очрагын ачыкладылар, 146 кисәтү белдерелде. Шуларның берсе - «Әйбәт» идарәче компаниясенә карата, Вахитов проспектындагы 2нче йортта, Менделеев урамындагы 31,33,35,39,41нче йортларда озак вакыт кайнар су булмаган өчен.
Зәй шәһәрендә Ленин урамындагы 1а йортта законсыз рәвештә үзгәртеп кору эшләре ачыкланды: коридор, бүлмә һәм келәт бүлмәләре арасындагы, ванна һәм санузел арасындагы диварлар җимерелгән. Беркетмә төзелде, административ хокук бозу турындагы эш карала.
Штрафларның гомуми суммасы – 380 мең сумнан артык. Штрафка тартылучылар арасында физик затлар да бар: Ленин урамындагы 44 нче йортта газ ярдәмендә су җылыткыч җайланманы үз белдеге белән алмаштырган өчен Әлмәттә яшәүче хатын-кызга 5 мең сум штраф салынды.
Нурлат шәһәренең Куйбышев урамындагы 96а йорттагы чорма торышы өчен «УК Эталон» ҖЧҖ директорына 30 мең сум штраф салынды.
Түбән Кама халкына сыйфатсыз күрсәтелгән хезмәтләр, атап әйткәндә: суны озак вакыт сүндереп торган өчен 2,8 млн.сум кире кайтарылган (яңадан исәпләнгән).
Татарстан Торак инспекциясе матбугат хезмәте