Подвалдагы җир-су хайваннары патшалыгы
Колай авылындагы йорт подвалында күргәннәр инспекторларны шаккатырды: монда җир-су хайваннары гаиләсе барлыкка килгән. «УК-ПЕСТРЕЦЫ» идарәче компаниясе алар өчен уңайлы шартлар тудырган: дымлылык, күлләвекләр, бөҗәкләр күплеге, ярыклар, бакалар сыену урыны итеп куллана торган чүп-чар. Ә калганында барысы да күп кенә башка йортлардагы кебек үк.
Татарстанның Торак инспекциясенә Колай авылы, Профсоюз урамындагы 32 нче йортның хәле турында шикаять килде. Диварлар, идән һәм түшәмнәр торышына караганда, подъездда ремонтны күптән эшләмәгәннәр. Кайчандыр стеналар фирүзә төсендә булган, хәзер исә соры стеналарда буяу катламы калдыклары гына. Фасадта ярыклар, кирпеч өемнәре купкан, отмостка клумбага әверелгән.
Элегрәк «УК-ПЕСТРЕЦЫ» ҖЧҖ директоры мондый хокук бозу өчен җәлеп ителгәнлектән, аңа 50 мең сум штраф рәвешендә административ җәза билгеләнде. Хокук бозуларны бетерү буенча бирелгән күрсәтмә үтәлеше Инспекция контролендә.
Татарстан Торак инспекциясе матбугат хезмәте