Эшләрне туктатып торырга: капремонтны тикшерү йомгагы
Балык Бистәсе районында кайбер йортларда капиталь ремонт эшләре туктатылачак. Сәбәбе – подрядчылар һәм проектантлар җибәргән тупас хаталар. Бүген Татарстанның Торак инспекциясендә капиталь ремонт программасын гамәлгә ашыру буенча эш төркеменең чираттагы утырышы узды. Бу очрашуларга эшенә карата дәгъвалар булган кешеләр генә чакырыла. Бу юлы тагын Балык Бистәсе районында республика программасын гамәлгә ашыру турында фикер алышынды.
Балык Бистәсе ШТП. Совет урамындагы 57 нче йортта акча эшләргә омтылу подрядчыга бу бик кыйммәткә төшәчәк. Ул акча эшләмәве өстенә, үзенең «профессиональлеге» өчен дә үз кесәсеннән түләячәк.
Беренчедән, иске агач йортны җылыталар. Элек бураны ДСП белән каплаганнар, һәм җылыткыч панельләрен агач-йомычка плитәләренә беркетәләр. Алар астында нәрсә? Панельләр астындагы диварларның торышы турында мәгълүмат юк. Подрядчы барысы да тәртиптә дип ышана. Баш дәүләт торак инспекторы йортны караганда ясаган фотосурәтләрне күрсәтте: йортның аскы таҗында панельләр юк, бураларның нинди хәлдә булуы бик яхшы күренә.
Белешмә өчен: йортның аскы таҗы – беренче булып агач бура фундаментына салына торган бүрәнә яки борысларның беренче горизонталь рәте. Җиргә якын урнашканга күрә, аскы таҗ дым һәм микроорганизмнар тәэсиренә күбрәк дучар була.
«Йортны җылыту аны җимерәчәк! Сез йортларны капиталь ремонтлау буенча республика программасы идеясен дискредитациялисез. Эшләр туктатыла», – диде Александр Тыгин.
Икенчедән, җылыткыч панельләрен технологияне бозып салганнар – шахмат тәртибендә түгел һәм стенага тыгыз тоташу өчен беркеткечләр дә җитәрлек түгел. Өченчедән, рөхсәтсез янкорма да тышлана. Бюджет акчалары булырга тиеш булмаган нәрсәләргә нинди нигездә тотыла? Янкормага инспекторлар элегрәк тә күрсәтеп килделәр, аны законлаштырырга вакыт булган бит. Ләкин тырышмаганнар. Димәк, йортны беренчел проектка кайтарырга бурычлылар. Иң мөһиме – бураның торышын тикшерү.
Дүртенчедән, түбә тулысынча ачык, ә эшчеләр юк. Беренче яуган яңгырда ук ике катлы йортның бөтен фатирларын су басачак.
Октябрь урамындагы 25-В номерлы йортның түбәсе белән дә шундый ук проблема. Гидроизоляция кайбер урыннарда кабарган, җылыткыч диварга терәлеп тормый, вентиляция шахталары чүп-чар җыю урынына әйләнгән һ.б.
Төбәк операторына һәм подрядчыларга хокук бозуларны бетерү өчен вакыт бирелде. Аларның бер өлешен үз хисабына түләячәкләр.
Татарстан Торак инспекциясе матбугат хезмәте