Чормада күгәрченнәр, подвалда юешлек: «Экодом» ИК директорына штраф
Нурлат идарәче компаниясе «экодом» сүзенең мәгънәсен үзенчәрәк аңлый. Ләкин чормадашы күгәрчен оясы һәм, нәтиҗә буларак, кош тизәге катламы йортта яшәүчеләр өчен экологик яктан имин булып саналмый. Агып торган канализация кебек үк, буылдыра торган ис, юешлек тә. Шуңа да карамастан, «Экодом» ИК ҖЧҖ кешеләргә яшәү өчен чыннан да уңайлы шартлар тудыру өчен берни дә эшләми. Йортта яшәүчеләр, сүз уңаеннан, йортны карап тоту хезмәтләре өчен түләгәндә, торакны карап тотучыларның үзләрен тоталар бит.
Татарстанның Торак инспекциясенә Нурлат шәһәренең Завод урамындагы 23 нче йортта яшәүче хатын-кызның шикаяте керде. Мөрәҗәгать йортны тикшерү өчен сәбәп булды.
«Подвалда коточкыч юешлек һәм даими ис. Тәрәзә рамнары черегән, тәрәзә төпләре юк. Йорт периметры буенча отмостоклар юк. 2 нче подъездда йорт янкормасының түбәсе ага, су озак вакыт кипми тора. Керә торган тимер ишек туңа <...> Узган ел түбә ясадылар – ага, кәрнизне начар эшләделәр – күгәрченнәр барлыкка килде",- дип язган өйдә яшәүче хатын.
Инспектор хокук бозуларны аннан да күбрәк ачыклады. Барысы буенча да аларны бетерү сроклары билгеләнде. Идарәче компания директоры Административ хокук бозулар турында РФ кодексының 14.1.3 ст. 2 өлеше буенча хокук бозуда гаепле дип табылды һәм 25 мең сум штраф салынды.
Исегезгә төшерәбез, нурлатлыларның мөрәҗәгатьләрен Чистай районара торак инспекциясе хезмәткәрләре карый. Һәр сишәмбе инспекциядә гражданнарны кабул итү үткәрелә. Алдан язылу өчен телефон: 8(84342) 5-05-13.
Инспекциянең адресы: Чистай шәһәре, Толстой ур., 157 йорт.
Игътибар итәбез, Татарстан Торак инспекциясе башлыгы урынбасары – Чистай инспекциясе башлыгы Ирина Аркадьевна Иванова күчмә кабул итүләрне планлаштырган. Кабул итүгә язылу турындагы алхәбәрләр Инспекциянең барлык мәгълүмат ресурсларында урнаштырылачак.
Татарстан Торак инспекциясе матбугат хезмәте