Җимерелгән очлык һәм һаваның кире тарту көче – яңа сүндерүләрнең сәбәпләре
Республика башкаласында Челюскин урамындагы 64нче, Декабристлар урамындагы 183нче йортларда газ белән тәэмин итү туктатылган.
Беренче адрес буенча колонкаларны эксплуатацияләү төтен юллыгының җимерелгән очлыгы аркасында куркыныч. 8 фатирлы стояк сүндерелгән.
Белешмә өчен: юллык очлыгы – тышкы торбаның өске өлеше, ул эш куышлыгын явым-төшемнәр, чүп-чар һәм чит әйберләр үтеп керүдән саклый. Төтен юллыгының очлыгы җимерелү һава тарту көченең бозылуы һәм яну продуктларының бинага эләгүе аркасында куркыныч тудыра.
Икенче адрес буенча – һава кире тартыла, зыян күрүчеләр юк. Газ белән тәэмин итү бөтен подъездда туктатылган.
Идарәче компанияләр торба-мич хезмәте актын тәкъдим итүгә, "зәңгәр ягулык" торгызылачак.
Татарстан Торак инспекциясе матбугат хезмәте