Әгерҗедә уйнавы кызык түгел?
Әгерҗедә идарәче компания директорларын шәһәрнең 14 урамындагы балалар мәйданчыкларын карап тоткан өчен административ җаваплылыкка тарттылар.
Район прокурорлары «184 нче төзелеш-монтаж предприятиесе» ҖЧҖ идарә итә торган йортлар территориясендәге уен мәйданчыкларының техник торышын тикшерде. Бу Ометов, Октябрь, Маяковский, Гоголь, Чайковский, Пушкин, Комсомол, Чайковский урамнары һәм башкалар.
Нәтиҗә – һәр балалар мәйданчыгында диярлек хокук бозулар бар. Таганнар, карусельләр, таулар, комлыклар, поребриклар һ.б. зарарланган.
Мәсәлән, Гагарин урамындагы уен мәйданчыгында 7 нче йорт һәм М.Горький исемендәге тыкрыкта 2 нче йортта карусель һәм таган зыян күргән, бөтен мәйданчыкны ком белән каплау дәрәҗәсе җитәрлек түгел. К.Маркс урамындагы 212 нче йорт янындагы балалар мәйданчыгы янында төзелеш чүп-чарлары җыелмаган.
Административ хокук бозу материаллары Татарстанның Торак инспекциясенә җибәрелде. Тикшерү нәтиҗәләре буенча идарәче компания директоры РФ КоАП 14.1.3 ст. 2 өлеше буенча административ хокук бозуда гаепле дип табылды, аңа 25 мең сум штраф билгеләнде.
Җитешсезлекләрнең бетерелүе Инспекция контролендә кала.
Ә сезнең балаларыгызга балалар мәйданчыгында уйнавы уңайлымы? Сезнең ишегалдында таган һәм таулар нинди хәлдә? Безгә комментарийларда языгыз, фотолар җибәрегез.
Татарстан Торак инспекциясе матбугат хезмәте