Тарту көче юк, ә газ бар
Бер тикшерү нәтиҗәләре буенча «Нептун+» идарәче компаниясе директорына һәм «Алабугагаз» ЭҖИ Менделеевск РЭГС башлыгына административ хокук бозу турында беркетмәләр төзелде. Вазыйфаи затлар фатирларда тарту көчен юкка чыгарган хокук бозуларны бетермәгән.
Менделеевск шәһәрендә газ хезмәткәрләре һәм торакны карап тотучылар Октябрь урамындагы 14 нче йортка хезмәт күрсәткәндә хокук бозуларга юл куйган. Белгечләр 2023 елдан бирле техник хезмәт күрсәтү үткәрмәгән, ә быел фатир хуҗасына һава тарту көченең булмавы турында хәбәр иткәннәр. Моны абонент кенәгәсенә язып куйганнар да киткәннәр, «зәңгәр ягулык»ны сүндермәгәннәр.
РФ Хөкүмәтенең 410 номерлы карарының 77 пункты нигезендә газ хезмәткәре, тарту көче булмау сәбәпле, кулланучыга алдан хәбәр итмичә, кичекмәстән газ белән тәэмин итүне туктатып торырга тиеш. Могҗиза белән фаҗига булмый калган.
Газны тагын бер фатирда сүндерергә тиеш булганнар. Монда шулай ук абонент кенәгәсен вентиляция каналында тарту көче булмау турында язганнар, ә техник хезмәт күрсәтүне башка үткәрмәгәннәр. Тагын ике фатирда газ җиһазларына узган ел шулай ук үткәрмәгәннәр. Һәм бу фатирларның берсендә кухняда һәм ванна бүлмәсендә вентканал булмаган очракта бу.
Моннан тыш, «Газпром трансгаз Казан» ҖЧҖ сайтында техник хезмәт күрсәтү турында барлык графиклар да урнаштырылмаган.
Монда милекчеләрнең проблемалары күбрәк. Тикшерү вакытында салкын су белән тәэмин итү системасында басымның нормага туры килмәве ачыкланды, баскыч мәйданчыкларының түшәмнәрендә су үтү эзләре, стеналардан буяу һәм штукатурка коела.
Быел капиталь ремонт программасы кысаларында биредә түбә алмаштырылган, әмма вентиляция шахталарын торгызмаганнар. Алар өлешчә сүтелгән. Һәм тагын чүп, подъездларда җыештырылмый.
Вазыйфаи затлар идарәче компания җитәкчесенә – 30 мең сум, «Алабугагаз» ЭҖИ Менделеевск РЭГС башлыгына 25 мең сум штраф салынды.
Татарстан Торак инспекциясе матбугат хезмәте