Александр Тыгин: «ИК үзләре ала торган саллы акчаларны эшләп алырга тиеш»
Татарстанның баш дәүләт торак инспекторы Александр Тыгин бүген туры эфирда республика халкына шикаятьләр һәм мөрәҗәгатьләр биргәндә процедураны үтәүнең мөһимлеге турында искә төшерде. Ул гражданнарны башта үз идарәче компанияләренә дәгъва юлларга, реакция булмаган очракта гына Торак инспекциясенә мөрәҗәгать итәргә чакырды.
«Электрон почта бар, беркая да барырга кирәкми. Фоторәсемнәрне куегыз. Без һәрвакыт бер генә нәрсәне сорыйбыз – преюдицияне саклагыз. Һичшиксез, бу дәгъва белән үзегезнең идарәче компаниягезгә мөрәҗәгать итегез. Бу принципиаль әһәмияткә ия, ахырда төзәтмә булсын: «Төзәтмәсәгез яки җавап бирүне кирәк дип тапмасагыз, Торак инспекциясенә мөрәҗәгать итәчәкбез», дип әйтегез. Һәм чыннан да, әгәр реакция булмаса, безгә бик кызык булачак. Бу дөрес», - диде Тыгин.
Ул искәрткәнчә, торак күзәтчелеге инспекцияләре Татарстанның барлык эре шәһәрләрендә эшли, шул исәптән Чаллы, Түбән Кама, Әлмәт һәм Зәй шәһәрләрендә дә. Тыгин сүзләренчә, узган ел ТР Дәүләт торак инспекциясенә гражданнардан 25 меңгә якын мөрәҗәгать һәм шикаять кергән.
«Мин чын күңелдән ышанам, идарәче компанияләр үзләре ала торган акчаны эшләп алырга тиешләр. Бу – аз акча түгел. Әйдәгез, урамда теләсә кайсы кешене туктатып, сорыйк: торак-коммуналь хуҗалык өчен күп түлисезме, азмы? Барысы да күп дип әйтәчәк. Беркемдә дә без аз түлибез дигән тойгы юк. Ә бит детальләргә төшенергә һәркемнең дә математик сәләте яки аналитик фикерләве җитми», – дип өстәде ул.
Җентеклерәк:https://www.tatar-inform.ru/news/tygin-uk-dolzny-otrabatyvat-te-nemalye-dengi-kotorye-polucayut-5988283